ٹیکس فراڈ کیس میں سابق اطالوی وزیراعظم کو ایک سال تک عوامی خدمت کی سزا

ویب ڈیسک  منگل 15 اپريل 2014
فیصلے سے مطمئن ہیں کیونکہ اس میں ایسا کچھ نہیں کہا  گیا جس سے سابق وزیراعظم  پرسیاست میں حصہ لینے پر کوئی قدغن لگتی ہو،برلسکونی وکلاا۔ فوٹو : فائل

فیصلے سے مطمئن ہیں کیونکہ اس میں ایسا کچھ نہیں کہا گیا جس سے سابق وزیراعظم پرسیاست میں حصہ لینے پر کوئی قدغن لگتی ہو،برلسکونی وکلاا۔ فوٹو : فائل

میلان: اٹلی کی  عدالت نے ٹیکس فراڈ کا جرم ثابت ہونے پر سابق وزیراعظم سلویو برلسکونی کو ایک سال کے لیے عوامی خدمت کرنے کا حکم دیا  ہے۔

اٹلی کے شہر میلان کی عدالت نے سابق وزیراعظم کے خلاف ٹیکس فراڈ کیس کی سماعت کی اور جرم ثابت ہونے پر سلویو برلسکونی کو بزرگوں کے لئے بنائے گئے ادارے میں ایک سال تک کام کرنے کی کی سزا سنا دی۔

عدالتی فیصلے پر اپنے ردعمل کا اظہار کرتے ہوئے برلسکونی کے وکلا کا کہنا تھا کہ وہ عدالتی فیصلے سے مطمئن ہیں کیونکہ اس میں ایسا کچھ نہیں کہا  گیا جس سے سابق وزیراعظم  پرسیاست میں حصہ لینے پر کوئی قدغن لگتی ہو۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔