- غیرمتعلقہ پاسپورٹ برآمد ہونے پر پی آئی اے کی ایئر ہوسٹس کینیڈا میں گرفتار
- اگلے ماہ مہنگائی کی شرح کم ہو کر 21 سے 22 فیصد کے درمیان رہنے کا امکان
- اقتصادی بحالی اور معاشی نمو کے لیے مشاورتی تھنک ٹینک کا قیام
- اے ڈی ایچ ڈی کی دوا قلبی صحت کے لیے نقصان دہ قرار
- آصفہ بھٹو زرداری بلامقابلہ رکن قومی اسمبلی منتخب
- پشاور: 32 سال قبل جرگے میں فائرنگ سے نو افراد کا قتل؛ مجرم کو 9 بار عمر قید کا حکم
- امیرِ طالبان کا خواتین کو سرعام سنگسار اور کوڑے مارنے کا اعلان
- ماحول میں تحلیل ہوکر ختم ہوجانے والی پلاسٹک کی نئی قسم
- کم وقت میں ایک لیٹر لیمو کا رس پی کر انوکھے ریکارڈ کی کوشش
- شام؛ ایئرپورٹ کے نزدیک اسرائیل کے فضائی حملوں میں 42 افراد جاں بحق
- انٹربینک اور اوپن مارکیٹ میں ڈالر کے مقابلے میں روپیہ مزید مضبوط
- پی ٹی آئی قانونی ٹیم کا چیف جسٹس اور جسٹس عامر فاروق سے استعفی کا مطالبہ
- اہم چیلنجز کا سامنا کرنے کیلیے امریکا پاکستان کے ساتھ کھڑا رہے گا، جوبائیڈن کا وزیراعظم کو خط
- عالمی اور مقامی مارکیٹوں میں سونے کی قیمت میں بڑا اضافہ ہوگیا
- اسٹاک مارکیٹ میں اتار چڑھاؤ کے بعد مندی، سرمایہ کاروں کے 17ارب ڈوب گئے
- پشاور بی آر ٹی؛ ٹھیکیداروں کے اکاؤنٹس منجمد، پلاٹس سیل کرنے کے احکامات جاری
- انصاف کے شعبے سے منسلک خواتین کے اعداد و شمار جاری
- 2 سر اور ایک دھڑ والی بہنوں کی امریکی فوجی سے شادی
- وزیراعظم نے سرکاری تقریبات میں پروٹوکول کیلیے سرخ قالین پر پابندی لگادی
- معیشت کی بہتری کیلیے سیاسی و انتظامی دباؤبرداشت نہیں کریں گے، وزیراعظم
الطاف حسین کی پاسپورٹ کی درخواست وزارت داخلہ کو بھجوا دی ہے، ترجمان دفتر خارجہ
اسلام آ باد: د فترخارجہ کی ترجمان تسنیم اسلم کا کہنا ہے کہ ایم کیو ایم کے قائد الطاف حسین کی پاسپورٹ کی درخواست وزارت خارجہ کو بھجوا دی تھی لیکن ابھی تک کوئی جواب نہیں ملا ہے۔
اسلام آباد میں صحافیوں کو ہفتہ وار بریفنگ دیتے ہوئے ترجمان دفتر خارجہ کا کہنا تھا کہ ایم کیو ایم کے قائد الطاف حسین کی جانب سے پاکستانی پاسپورٹ کی درخواست موصول ہوئی تھی جو وزارت داخلہ کو بھجوا دی تھی لیکن ابھی تک درخواست پر کوئی جواب موصول نہیں ہوا ہے، وزارت داخلہ کا جواب موصول ہوتے ہی برطانیہ میں پاکستانی ہائی کمشنر کو بھجوا دیا جائے گا، پاسپورٹ جاری کرنا وزارت خارجہ کا کام نہیں ہے۔
ترجمان دفتر خارجہ کا کہنا تھا کہ افغانستان اور نیٹو افواج کو پاک افغان سرحد کو مضبوط کرنے کے لئے موثر اقدامات کرنے کی ضرورت ہے، پاک افغان سرحد کی حفاظت کی ذمہ داری دونوں ممالک کی ذمہ داری ہے۔ ان کا کہنا تھا کہ پاکستان نے سرحد کو مضبوط بنانے کے لئے اپنے حصے کی ذمہ داری ادا کر دی ہے، ہم نے افغانستان سے متصل سرحد پر 1200 سے زیادہ چیک پوسٹیں قائم کر رکھی ہیں اس کے علاوہ سرحدی علاقے کی باقاعدہ نگرانی بھی کی جاتی ہے۔ تسنیم اسلم کا کہنا تھا کہ اسلام آباد پاک افغان سرحد پر سیکیورٹی کے انتظامات کو موثر بنانے کے لئے بائیو میٹرک نظام متعارف کرانے کا خواہش مند ہے لیکن اس کے لئے افغان حکومت اور نیٹو کو بھی برابری کی سطح پر موثر اقدامات اٹھانے ہوں گے۔
نئے متوقع افغان صدرعبداللہ عبداللہ کا بھارت کی جانب جھکاؤ اور پاکستان دشمنی سے متعلق پوچھے گئے سوال پر ترجمان دفتر خارجہ کا کہنا تھا کہ کوئی بھی افغان صدر پاکستان کے خلاف نہیں، افغان عوام جسے بھی اپنا صدر منتخب کریں گے پاکستان ان سے دوطرفہ دوستانہ اور مستحکم تعلقات قائم کرے گا۔ پر امن اور مستحکم افغانستان پاکستان کے مفاد میں ہے، افغانستان میں امن سے نہ صرف دہشت گردی پر قابو پانے میں مدد ملے گی بلکہ اس سے پاکستان اور افغانستان سمیت وسطی ایشیائی ممالک میں تجارت کے مواقع پیدا ہوں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔