عراق میں فوجی چیک پوسٹ پر حملہ، 12 اہلکار ہلاک 15 زخمی

بغداد: عراق کے شمالی شہر موصل میں حملہ آوروں نے فائرنگ کر کے 12 فوجیوں کو ہلاک اور 15 کو زخمی کر دیا۔

غیر ملکی خبر رساں ایجنسی کے مطابق عراق کے شمالی شہر موصل کے مہالابیہ میں حملہ آوروں نے فوجی چیک پوسٹ پر جدید اسلحہ کی مدد سے دھاوا بول دیا جس کے نتیجے میں 12 اہلکار ہلاک اور 15 زخمی ہو گئے۔

امدادی ٹیموں کے اہلکاروں نے حملے میں ہلاک اور زخمی ہونے والوں کو فوری طور پر قریبی اسپتالوں میں منتقل کیا جہاں ڈاکٹروں کا کہنا ہے کہ متعدد زخمیوں کی حالت تشویشناک ہونے کے باعث ہلاکتوں میں اضافے کا خدشہ ہے۔