وزیراعظم نے حاجیوں كیلئے سعودی كمپنیوں سے کھانا لینے كی پابندی کا نوٹس لے لیا

آن لائن  جمعـء 18 اپريل 2014
پابندی كے معاملے پر سعودی حكام كو خط لکھا لیكن انہوں نے پاكستانی حاجیوں كو استثنیٰ دینے سے معذرت كرلی، وزیر مذہبی امور سردار یوسف فوٹو: فائل

پابندی كے معاملے پر سعودی حكام كو خط لکھا لیكن انہوں نے پاكستانی حاجیوں كو استثنیٰ دینے سے معذرت كرلی، وزیر مذہبی امور سردار یوسف فوٹو: فائل

اسلام آباد: وزیر اعظم نواز شریف نے حاجیوں كے لئے سعودی كمپنیوں سے كھانا لینے كی پابندی كا نوٹس لیتے ہوئے وفاقی وزیر برائے مذہبی امور سردار یوسف سے سعودی عرب كو لكھے گئے خط كی تفصیلات طلب كرلیں۔

خبر رساں ادارے کے مطابق وزیر اعظم نے کھانے کی پابندی پر سردار یوسف كو طلب كیا اور ان سے معاملے كی تفصیلات طلب کیں۔ وفاقی وزیر نے وزیراعظم کو بتایا كہ پابندی كے معاملے پر سعودی حكام كو خط لکھا گیا لیكن انہوں نے كھانا دینے كے معاملے میں پاكستانی حاجیوں كو استثنیٰ دینے سے معذرت كرلی جس كے بعد سعودی حكومت كو فیصلے پر نظر ثانی كے لئے بھی خط لكھ دیا ہے۔ سردار یوسف کے مطابق سعودی حكام كا كہنا ہے كہ یہ پابندی صرف پاكستان كے لئے نہیں بلکہ تمام ممالک كے لئے ہے اور اگر پابندی برقرار رہی تو كھانے كی مد میں ہر حاجی کو 700 ریال اضافی ادا كرنا ہوں گے۔

وزیراعظم نے معاملے پر خط كی كاپیاں اور دیگر تفصیلات مانگ لیں جو انہیں ارسال كردی گئی ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔