شاہد کپور کی ’’حیدر‘‘ اور پریانکا چوپڑا کی ’’میری کوم‘‘کی نمائش ایک ہی دن ہوگی

ممبئ: بالی ووڈ اداکار شاہد کپور اور اداکارہ پریانکا چوپڑا ایک دوسرے کے خلاف فلمی لڑائی لڑیں گے ۔

بھارتی خبر رساں ایجنسی کے مطابق اداکار شاہد کپور کی فلم ’’حیدر‘‘ اور اداکارہ پریانکا چوپڑا کی فلم ’’میری کوم‘‘ رواں سال ایک ہی دن 2 اکتوبر کو سینما گھروں میں نمائش کے لیے پیش کی جائے گی اب دیکھنا یہ ہے کہ خاتون اس فلم لڑائی کو ریکارڈ بزنس کر کے جیتتی ہیں یا پھر مرد حسب معمول اسی دوڑ کا بازی گر بنتا ہے یہ فلم کی ریلیز پر ہی معلوم ہو گا فی الحال یہ بات سوالیہ نشان ہے۔