- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
- عمران خان اور بشریٰ بی بی کی درخواستیں منظور، طبی معائنہ کروانے کا حکم
- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی پر حملہ، خودکش بمبار کی شناخت
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
- انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے، وزیر مملکت
- پی ٹی آئی کی لیاقت باغ میں جلسہ کی درخواست مسترد
- پشاور میں صحت کارڈ پر دوائیں نہ ملنے کا معاملہ؛ 15 ڈاکٹرز معطل
- پہلا ٹی20؛ عماد کو پلئینگ الیون میں کیوں شامل نہیں کیا؟ سابق کرکٹرز کی تنقید
غیرقانونی تقرر، تسنیم قریشی اور سابق ڈی جی سی ڈی اے کے وارنٹ جاری
اسلام آباد: ایف آئی اے نے غیرقانونی تقرر کیس میں اسلام آباد ہائیکورٹ کے حکم پر سینئر سول جج اسلام آباد کی عدالت سے سابق وزیرمملکت تسنیم قریشی اور سابق ڈی جی کیپٹل ڈیولپمنٹ اتھارٹی عمران شاہد کے وارنٹ گرفتاری حاصل کرلیے۔
کیس کا ایک ملزم ممبر سی ڈی اے طارق فاروق پہلے ہی زیرحراست ہے جبکہ مرکزی ملزم تنویر ہاشمی ابھی تک مفرورہے، ذرائع کے مطابق ایف آئی اے نے اکتوبر2013میں نیب کے احکامات پر انکوائری شروع کی تھی، الزام لگایا گیا تھا کہ طارق فاروق نے چشم پوشی کرتے ہوئے پی ٹی سی ایل کے ریٹائرڈ ملزم تنویر ہاشمی کوسی ڈی اے میں عہدہ دیا اور بعد ازاں قواعد و ضوابط کی خلاف ورزی کرتے ہوئے مستقل کردیا، ابتدائی انکوائری میں الزامات ثابت ہوگئے جس پر3مارچ2014کو ایف آئی اے کرائم سرکل اسلام آباد زون نے ملزموں کیخلاف مقدمہ درج کرلیا۔
ذرائع کے مطابق تنویر ہاشمی گرفتاری سے بچنے کیلیے زیرزمین چلا گیا، معاملہ اسلام آباد ہائیکورٹ کے نوٹس میں آیا جب تنویر ہاشمی نے چند روز قبل درخواست ضمانت قبل از گرفتاری دائر کی، عدالت میں ریکارڈ کے معائنے سے ظاہر ہوا کہ اس غیرقانونی تقرر میں سابق وزیرمملکت تسنیم قریشی اور سابق ڈی جی کیپٹل ڈیولپمنٹ اتھارٹی عمران شاہد نے انتہائی غفلت کا مظاہرہ کیا، ایف آئی اے دونوں ہائی پروفائل ملزموں کی گرفتاری کیلیے متحرک ہوگئی ہے، سابق ڈی جی عمران شاہد بلوچستان میں اپنے آبائی علاقے میں رہائش پذیرہیں، ڈائریکٹر ایف آئی اے اسلام آباد زون نے وارنٹ گرفتاری کے اجرا کی تصدیق کرتے ہوئے کہاکہ ملزموں کی گرفتاری کیلیے ٹیم تشکیل دیدی گئی ہے اور دونوں ملزموں کو جلد گرفتار کر لیا جائیگا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔