- ویسٹ انڈیز ویمن ٹیم کا پاکستان کو ون ڈے سیریز میں وائٹ واش
- کراچی میں ایرانی خاتون اول کی کتاب کی رونمائی، تقریب میں آصفہ بھٹو کی بھی شرکت
- پختونخوا سے پنجاب میں داخل ہونے والے دو دہشت گرد سی ٹی ڈی سے مقابلے میں ہلاک
- پاکستان میں مذہبی سیاحت کے وسیع امکانات موجود ہیں، آصف زرداری
- دنیا کی کوئی بھی طاقت پاک ایران تاریخی تعلقات کو متاثر نہیں کرسکتی، ایرانی صدر
- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
سرمایہ کاروں کے اعتماد کیلیے سیاسی بے چینی کا خاتمہ ضروری ہے
کراچی: ٹریڈ ڈیولپمنٹ اتھارٹی کے چیف ایگزیکٹو ایس ایم منیر نے کہا ہے کہ ملکی برآمدات میں اضافے اور بیرونی سرمایہ کاروں کے اعتماد میں مزید اضافے کے لیے ملک سے سیاسی بے چینی کاخاتمہ بے حدضروری ہے۔
ملک وقوم کی بقا اور ترقی کے لیے تمام سیاسی جماعتیں معاشی ایجنڈے کے تحت موجودہ حکومت کے ہاتھ مضبوط کرتے ہوئے پاکستان کوایشین ٹائیگر بنانے کے لیے اپنا اپنا کرداراداکریں۔ یہ بات انہوں نے افطارڈنرکی ایک تقریب سے خطاب کے دوران کہی، انہوں نے کہا کہ بیرونی ممالک میں مقیم پاکستانیوں کی جانب سے 15 ملین ڈالر سے زائد کی ترسیلات زر وطن بھیجنا اور ملکی زرمبادلہ کے ذخائر 64 کروڑ 76 لاکھ ڈالر کے اضافے سے 13 ارب 99 کروڑ 1 لاکھ ڈالر کی سطح سے بڑھتے ہوئے 14 ارب 63 کروڑ 77 لاکھ ڈالر کی سطح پر پہنچنا خوش آئند عمل ہے جس میں مزید اضافے کوممکن بنایا جاسکتا ہے۔
انہوں نے کہا کہ تمام سیاسی جماعتوں کے عہدیداران سیاسی اختلافات کو بالائے طاق رکھتے ہوئے ملک کی بہتری اور مفاد کی خاطر یکجا ہوجائیں تاکہ بیرونی طاقتیں اورملک دشمن عناصر کو ان کے ناپاک عزائم میں کامیابی حاصل نہ ہوسکے۔ انہوں نے کہا کہ ٹریڈڈیولپمنٹ اتھارٹی کی جانب سے پاکستانی مصنوعات کی بیرونی ممالک میں تشہیر کے لیے نمائشوں کا انعقاد کیا جاتا ہے اور بھارتی مارکیٹ میں پاکستانی مصنوعات کی بڑھتی ہوئی طلب کو نظراندازنہیں کیا جا سکتا، اسی وجہ سے عالی شان پاکستان لائف اسٹائل نمائش کا انعقاد کیا جا رہا ہے۔
اس موقع پر میاں زاہد حسین نے افواج پاکستان کو خراج تحسین پیش کرتے ہوئے کہا کہ پاکستانی افواج ملک وقوم کے لیے بڑی سے بڑی قربانی دینے سے بھی گریز نہیں کرتی ہے اور سرحدوں سمیت ملک کے اندر موجودہ دہشت گرد عناصر کے خلاف کارروائیوں میںمصروف عمل ہے۔ انہوں نے کہا کہ ملک کو درپیش چیلنجوں اورمسائل کومدنظررکھتے ہوئے پوری قوم کی آپس میں یکجہتی کی اشد ضرورت ہے کیونکہ بیرونی طاقتیں پاکستان کوکمزورکرنے پر عمل پیرا ہیں۔
انہوں نے کہا کہ ملک کی معاشی ترقی اور عوام کی خوشحالی کے لیے سیاسی جماعتوں کا کرداربڑی اہمیت کا حامل ہے جس کے لیے ضروری ہے کہ تمام سیاسی جماعتوں کے قائدین ایک نکاتی ایجنڈے معیشت کی بحالی پر یکجا ہوتے ہوئے ملک سے بیروزگاری، غربت اورافلاس کا خاتمہ کرنے کیلیے اپنا کردار ادا کریں۔ کاٹی کے صدر سید فرخ مظہر نے کہا کہ موجودہ حکومت ملک اور قوم کی بہتری اور فلاح کے لیے بھرپور جدوجہد کر رہی ہے اور تجارتی وکاروباری سرگرمیوں میں بہتری کیلیے توانائی بحران میں کمی رونما ہوئی ہے۔ انہوں نے کہا کہ بڑھتی ہوئی پیداواری لاگت میں کمی کے لیے شرح سودمیں کمی کے لیے اسٹیٹ بینک آف پاکستان اقدامات کرے تاکہ ملک میں زیادہ سے زیادہ تجارتی سرگرمیوں کو فروغ دیا جاسکے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔