اسلام آباد میں مال بردار ٹرالر 2 گاڑیوں پر الٹ گیا، ایک شخص جاں بحق، 3 زخمی

اسلام آباد:  تھانا سبزی منڈی کی حدود میں ٹرالر الٹ گیا جس کی زد میں آکر 2 گاڑیاں دب گئیں جبکہ حادثے میں ایک شخص جاں بحق اور 3 زخمی ہوگئے۔

ایکسپریس نیوز کے مطابق تھانا سبزی منڈی آئی نائن کے قریب مال بردار ٹرالر اچانک 2 گاڑیوں پر الٹ گیا جس کے نتیجے میں ایک شخص جاں بحق جبکہ خاتون سمیت 3 افراد زخمی ہوگئے۔ حادثے کے فوری بعد امدادی ٹیمیں موقع پر پہنچ گئیں اور ٹرالر تلے دبے زخمیوں اور لاش کو پمز اسپتال منتقل کردیا۔ ٹرالر کے نیچے آنے والی گاڑیوں میں سے ایک ٹیکسی میں ڈرائیور جبکہ دوسری گاڑی میں خاتون سمیت 3 افراد سوار تھے۔

ترجمان پمز ڈاکٹر عائشہ نے زخمیوں کے حوالے سے بتایا کہ زخمیوں کی حالت خطرے سے باہر ہے جبکہ زخمیوں میں میاں بیوی شازیہ اور عبدالغفار شامل ہیں اور تیسرے زخمی محمد اسلم کو ابتدائی طبی امداد دینے کے بعد فارغ کردیا گیا ہے جبکہ اسپتال لائی گئی لاش کی شناخت نہیں ہوسکی۔