راجا پرویز اشرف کے خلاف رینٹل پاور کیس کی سماعت یکم ستمبر تک ملتوی

ویب ڈیسک  پير 21 جولائی 2014
سابق وزیر اعظم راجا پرویز اشرف استثنیٰ کے باعث عدالت میں پیش نہیں ہوئے۔ فوٹو: فائل

سابق وزیر اعظم راجا پرویز اشرف استثنیٰ کے باعث عدالت میں پیش نہیں ہوئے۔ فوٹو: فائل

اسلام آباد: احتساب عدالت نے راجہ پرویز اشرف سمیت دیگر ملزمان کے خلاف رینٹل پاور کیس کی سماعت یکم ستمبر تک ملتوی کردی۔  

اسلام آباد کی احتساب عدالت کے جج محمد بشیر نے رینٹل پاور کیس کی سماعت کی تاہم سابق وزیر اعظم راجا پرویز اشرف استثنیٰ کے باعث پیش نہیں ہوئے۔ سماعت کے دوران نیب نے عدالت سے استدعا کی کہ نوڈیرو ٹو رینٹل پاورکیس میں کابینہ کی اصل سمری طلب کرنے اور اسے ریکارڈ کا حصہ بنا کرعدالت کے سامنے پیش کرنے کی مہلت دی جائے۔

ملزمان کی جانب سے نیب کی درخواست پر اعتراض کے بعد عدالت نے درخواست پربحث کے لئے یکم ستمبر کی تاریخ مقررکردی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔