’’آئرن مین‘‘ جان ڈاؤنی زیادہ معاوضہ لینے والے اداکار

لاس اینجلس: ہالی ووڈ کے معروف اداکار رابرٹ جان ڈاؤنی سب سے زیادہ معاوضہ لینے والے اداکاروں کی فہرست میں رواں سال بھی پہلے نمبر پر براجمان ہیں۔

امریکی مالیاتی جریدے ’’فوربز‘‘ نے رواں سال زیادہ معاوضہ لینے والوں اداکاروں کی فہرست جاری کردی ہے جس کے مطابق 49 سالہ امریکی اداکار رابرٹ جان ڈاؤنی بدستور پہلے نمبر پرہیں۔ ان کی آمدنی کا تخمینہ اس سال بھی 75 ملین ڈالرسے زائد رہا ہے۔

انھوں نے ’’دی اوینجرز ‘‘اور ’’آئرن مین‘‘ میں مرکزی کردارادا کیا ہے اوران فلموں نے باکس آفس پر2013-14ء میں ایک ارب ڈالرسے زیادہ کا کاروبارکیا۔ سابق ریسلراور اداکار راک جونسن 52 ملین ڈالر کے ساتھ دوسرے نمبر پر جب کہ بریڈلی کوپر46 ملین ڈالرکے ساتھ فوربزمیگزین کی فہرست میں تیسرے نمبر پر ہیں۔