- ویسٹ انڈیز ویمن ٹیم کا پاکستان کو ون ڈے سیریز میں وائٹ واش
- کراچی میں ایرانی خاتون اول کی کتاب کی رونمائی، تقریب میں آصفہ بھٹو کی بھی شرکت
- پختونخوا سے پنجاب میں داخل ہونے والے دو دہشت گرد سی ٹی ڈی سے مقابلے میں ہلاک
- پاکستان میں مذہبی سیاحت کے وسیع امکانات موجود ہیں، آصف زرداری
- دنیا کی کوئی بھی طاقت پاک ایران تاریخی تعلقات کو متاثر نہیں کرسکتی، ایرانی صدر
- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
کراچی میں ٹرام چلانے کا فیصلہ، سڑکیں پیدل چلنے والوں کیلئے مخصوص کی جائیں گی
کراچی: صدر کی مخصوص سڑکوں کو وہیکل فری کرنے کا فیصلہ کیا گیا ہے، ایمپریس مارکیٹ کے اطراف کی سڑکوں پر گاڑیوں کی آمدورفت بند کرکے پیدل چلنے والوں کیلیے مخصوص کیا جائے گا.
صدر میں ٹرام وے چلائی جائیں گی، ٹرام وے منصوبہ 2 سال میں مکمل ہوگا جس کی تیاری کے لئے مشیر کا تقرر کردیا گیا ہے۔ درمیانی مدت میں شٹل بس سروس شروع کی جائے گی،منصوبے کی نگرانی کیلیے ویجلنس کمیٹی قائم کردی گئی ہے۔ تفصیلات کے مطابق کمشنر کراچی ، بلدیہ عظمیٰ، اور ٹریفک پولیس کی مشترکہ منصوبہ بندی سے 4 ماہ قبل صدر کو تجاوزات سے پاک کرکے پبلک ٹرانسپورٹ کی ری روٹنگ کی گئی تھی تاہم منصوبہ ناکام ہورہا ہے صدر بھر میں 2 ہفتے کے دوران تجاوزات دوبارہ قائم ہوگئیں اور پبلک ٹرانسپورٹ نے نئے روٹس کی خلاف ورزی شروع کردی۔
کمشنر نے ایمپریس مارکیٹ کے احیا کیلیے دوبارہ اس منصوبے پر عمل کی ہدایت کی ہے اس ضمن میں ویجلنس کمیٹی بنائی گئی ہے ، کمیٹی میں ایس ایس سائوتھ، ایس ایس پی ٹریفک، سیکریٹری آرٹی اے، ڈائریکٹر انسداد تجاوزات، نمائندہ کنٹونمنٹ بورڈ شامل ہیں،کمیٹی نے پہلے مرحلے میں صدر میں پبلک ٹرانسپورٹ کی ری روٹنگ منصوبے پر عمل کراکر تجاوزات کے خاتمے کیلیے کارروائی شروع کی ہے، کمیٹی پبلک ٹرانسپورٹ کی جانب سے ری روٹنگ کی خلاف ورزی اور تجاوزات کا قیام روکے گی۔
منصوبے کے دوسرے مرحلے میں ایمپریس مارکیٹ کے اطراف سڑکوں میں پیدل چلنے والوں کیلیے زونز بنائے جائیں گے، مینزفیلڈ اسٹریٹ، پریڈی اسٹریٹ، مبارک شہید روڈ، میر کرم علی تالپور روڈ اور دیگر سڑکوں پر گاڑیوں کی آمدورفت ممنوع ہوگی، گاڑیوں کی پارکنگ کیلیے صدر پارکنگ پلازہ کا استعمال یقینی بنایا جائے گا، منصوبے پر 6 ماہ سے ایک سال میں عملدرآمدکیا جائے گا، پیدل چلنے والوں کی آسانی کے لیے عارضی شٹل بس سروس شروع کی جائیگی، طویل منصوبہ بندی کے تحت ٹرام وے چلائی جائیں گی جس پر 2 سال میں عمل ہوگا۔
کمشنر شعیب صدیقی نے بتایا کہ صدر میں پبلک ٹرانسپورٹ کی ری روٹنگ ہوچکی ہے تجاوزات کے خلاف مہم جاری ہے، ایمپریس مارکیٹ اور اطراف کے علاقے کو پیدل چلنے والوں کا زونز بناکر ٹرام وے چلانے کیلیے کنسلٹنٹ کمپنی کا تقرر کیا گیا ہے ، جو اگلے ہفتے رپورٹ پیش کردے گی،منصوبے کو ایمپریس مارکیٹ اور قرب وجوار کے احیا کا نام دیا گیا ہے،ایمپریس مارکیٹ کی تاریخی عمارات کی تزئین اور مرمت بھی کی جائیگی اور صدر کی سڑکوں اور چوراہوں کی مرمت کی جائے گی انھوں نے بتایا کہ صدر کے مخصوص علاقوں میں چنگ چی رکشے چلانے پر پابندی ہوگی ۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔