- تربت حملے پر بھارت کا بے بنیاد پروپیگنڈا بے نقاب
- جنوبی افریقا میں ایسٹر تقریب میں جانے والی بس پل سے الٹ گئی؛ 45 ہلاکتیں
- پاکستانی ٹیم میں 5 کپتان! مگر کیسے؟
- پختونخوا کابینہ؛ ایک ارب 15 کروڑ روپے کا عید پیکیج منظور
- اسلام آباد ہائیکورٹ نے پی ٹی آئی رہنما کو عمرے پرجانے کی اجازت دے دی
- وزیر اعظم نے مشترکہ مفادات کونسل کی تشکیل نو کر دی
- پنجاب گرمی کی لپیٹ میں، آج اور کل گرج چمک کیساتھ بارش کا امکان
- لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
- پشاور؛ بس سے 2 ہزار کلو سے زیادہ مضر صحت گوشت و دیگر اشیا برآمد
- وزیراعلیٰ پنجاب نے نوازشریف کسان کارڈ کی منظوری دے دی
- بھارتی فوجی نے کلکتہ ایئرپورٹ پر خود کو گولی مار کر خودکشی کرلی
- چائلڈ میرج اور تعلیم کا حق
- بلوچستان؛ ایف آئی اے کا کریک ڈاؤن، بڑی تعداد میں جعلی ادویات برآمد
- قومی ٹیم کی کپتانی! حتمی فیصلہ آج متوقع
- پی ایس 80 دادو کے ضمنی انتخاب میں پی پی امیدوار بلامقابلہ کامیاب
- کپتان کی تبدیلی کیلئے چیئرمین پی سی بی کی زیر صدارت اہم اجلاس
- پاکستان کو کم از کم 3 سال کا نیا آئی ایم ایف پروگرام درکار ہے، وزیر خزانہ
- پاک آئرلینڈ ٹی20 سیریز؛ شیڈول کا اعلان ہوگیا
- برج خلیفہ کے رہائشیوں کیلیے سحر و افطار کے 3 مختلف اوقات
- روس کا جنگی طیارہ سمندر میں گر کر تباہ
مقبوضہ کشمیر؛ بھارتی مظالم جاری، قابض فوجیوں کے ہاتھوں مزید 2 کشمیری نوجوان شہید
مقبوضہ کشمیر: مقبوضہ کشمیر میں بھارتی فوجیوں نے ریاستی دہشت گردی کے تازہ مظاہرے میں ضلع کپواڑہ میں مزید 2 کشمیری نوجوانوں کو شہید کردیا ہے جبکہ میرواعظ عمرفاروق نے دہرایا ہے کہ مسئلہ کشمیر پاک بھارت سرحدی تنازعہ نہیں، لاکھوں کشمیریوں کے مستقبل کا مسئلہ ہے۔
ادھر حریت رہنما علی گیلانی نے جنوبی کشمیرمیں مسلسل چھاپوں اورگرفتاری کی شدید مذمت کی ہے۔ کشمیر میڈیاسروس کے مطابق ضلع کپواڑہ میں فوجیوں نے 2 نوجوانوں کو کیرن اور کلاروس میںجاری تلاشی اور محاصرے کی کارروائی کے دوران شہید کیا۔ ضلع کے علاقے لولاب میں مجاہدین اوربھارتی فوجیوں کے درمیان شدیدجھڑپ میں ایک بھارتی فوجی ہلاک اور 2 زخمی ہوگئے۔ کل جماعتی حریت کانفرنس کے چیئرمین میر واعظ عمرفاروق نے آج اسلام آبادکے ٹاؤن ہال میں ایک تقریب سے خطاب کرتے ہوئے دہرایاکہ مسئلہ کشمیر پاکستان اوربھارت کے درمیان کوئی سرحدی تنازعہ نہیں بلکہ لاکھوں کشمیریوں کے مستقبل کا مسئلہ ہے۔
انھوں نے بھارت پر زور دیا کہ وہ حقیقت پسندانہ سوچ اور کشمیریوں کی خواہشات کے مطابق مسئلے کے حل کیلیے اقدام کرے۔ بزرگ حریت رہنما سیدعلی گیلانی نے سرینگر میں ایک بیان میں جنوبی کشمیرمیں تحریک حریت کے رہنما کے گھرپر مسلسل چھاپوں اور شہریوں کی گرفتاری کی شدید مذمت کرتے ہوئے غیرقانونی طور پر نظربندوں کی فوری رہائی کا مطالبہ کیا ہے۔ انھوں نے کہا کہ بھارتی فوجیوں اور قابض انتظامیہ کیخلاف مسلح کارروائیوں کا بدلہ نہتے شہریوں سے لینا ریاستی دہشت گردی کی بدترین مثال ہے۔
کل جماعتی حریت کانفرنس کے رہنما سید بشیر اندرابی نے پلوامہ میں تعزیتی اجلاس سے خطاب کرتے ہوئے بھارت پر زور دیا کہ وہ مسئلہ کشمیر کے بارے میںاپنی ہٹ دھرمی کی پالیسی ترک کرے۔ نیویارک میں اقوام متحدہ کے سیکریٹری جنرل بان کی مون نے ایک بیان میں پاکستان اور بھارت سے کہا ہے کہ وہ اپنے تمام مسائل پرامن مذاکرات کے ذریعے حل کریں۔ ان کا یہ بیان بھارت کی طرف سے پاکستان کے ساتھ خارجہ سیکریٹری سطح کے مذاکرات کے منسوخی کے تناظر میں سامنے آیا۔
ادھر مقبوضہ کشمیرکی اسمبلی نے متفقہ طورپرغزہ پراسرائیلی جارحیت کے دوران نہتے فلسطینیوں کے قتل عام کی شدید مذمت کی ہے۔ دریں اثنا جموں وکشمیر لبریشن فرنٹ نے 2010 میں عوامی احتجاج کے دوران شہید ہونے والے صورہ سرینگر کے عمر قیوم کی برسی پر انھیں شاندار خراج عقیدت پیش کیا ہے۔ شہید کی برسی کے موقع پر منعقدہ ایک تقریب میں جموں وکشمیر لبریشن فرنٹ کے ایک وفد نے شرکت کی اور شہید کے لواحقین سے اظہار یکجہتی کیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔