جنگی جنون میں مبتلا بھارتی فورسز کی سیالکوٹ کے مختلف سیکٹرز پر بلااشتعال فائرنگ اور گولہ باری

سیالکوٹ: جنگی جنون میں مبتلا بھارتی فورسز کی جانب سے سیالکوٹ ورکنگ باؤنڈری کے مختلف سیکٹرز پر بلااشتعال فائرنگ اور گولہ باری کی ہے تاہم  چناب رینجرز نے بھرپور جوابی کارروائی کرکے بھارتی بندوقوں کو خاموش کرادیا۔

ایکپسریس نیوز کے مطابق بھارتی سیکیورٹی فورسز نے سیالکوٹ میں چارواہ،بجوات اور سجیت گڑھ سیکٹرز میں بلااشتعال فائرنگ اور گولہ باری کی جس سے بین الاقوامی سرحد پر واقع دیہات میں واقع املاک کو نقصان پہنچا تاہم کسی جانی نقصان کی اطلاع نہیں ملی، بھارتی جارحیت پر چناب رینجرز نے بھرپور جوابی کارروائی کی جس سے بھارتی گنیں خاموش ہوگئیں۔

واضح رہے کہ گزشتہ ایک ماہ کے دوران لائن آف کنٹرول اور ورکنگ باؤنڈری پر بھارتی فورسز کی فائرنگ اور گولہ باری کے دوران کئی پاکستانی شہری جام شہادت نوش کرچکے ہیں۔