- ڈی آئی خان میں گاڑی پر فائرنگ، چار کسٹم اہلکار اور ایک بچی جاں بحق
- سینیٹر مشاہد حسین نے افریقا کے حوالے سے پاکستان کے پہلے تھنک ٹینک کا افتتاح کردیا
- گوگل نے اسرائیل کو ٹیکنالوجی دینے کیخلاف احتجاج کرنے والے 28 ملازمین کو نکال دیا
- آپریشن رجیم میں سعودی عرب کا کوئی کردار نہیں، عمران خان
- ملک کو حالیہ سیاسی بحران سے نکالنے کی ضرورت ہے، صدر مملکت
- سعودی سرمایہ کاری میں کوئی لاپرواہی قبول نہیں، وزیراعظم
- ایران کے صدر کا دورہ پاکستان پہلے سے طے شدہ تھا، اسحاق ڈار
- کروڑوں روپے کی اووربلنگ کی جا رہی ہے، وزیر توانائی
- کراچی؛ نامعلوم مسلح ملزمان کی فائرنگ سے 7بچوں کا باپ جاں بحق
- پاک بھارت ٹیسٹ سیریز؛ روہت شرما نے دلچسپی ظاہر کردی
- وزیرخزانہ کی امریکی حکام سے ملاقات، نجکاری سمیت دیگرامورپرتبادلہ خیال
- ٹیکس تنازعات کے سبب وفاقی حکومت کے کئی ہزار ارب روپے پھنس گئے
- دبئی میں بارشیں؛ قومی کرکٹرز بھی ائیرپورٹ پر محصور ہوکر رہ گئے
- فیض آباد دھرنا معاہدہ پہلے ہوا وزیراعظم خاقان عباسی کو بعد میں دکھایا گیا، احسن اقبال
- کوئٹہ کراچی شاہراہ پر مسافر بس کو حادثہ، دو افراد جاں بحق اور 21 زخمی
- راولپنڈی؛ نازیبا و فحش حرکات کرکے خاتون کو ہراساں کرنے والا ملزم گرفتار
- حج فلائٹ آپریشن کا آغاز 9 مئی سے ہوگا
- کیویز کیخلاف سیریز سے قبل اعظم خان کو انجری نے گھیر لیا
- بجلی صارفین پرمزید بوجھ ڈالنے کی تیاری،قیمت میں 2 روپے94 پیسے اضافے کی درخواست
- اسرائیل کی رفح پر بمباری میں 5 بچوں سمیت11 افراد شہید؛ متعدد زخمی
قیادت میں تبدیلی کرنی ہے تو ابھی کر لیں ، شعیب ملک کا بورڈ کو مشورہ
کراچی: آل راؤنڈر شعیب ملک نے پی سی بی کو مشورہ دیاکہ قیادت میں تبدیلی کرنی ہے تو ابھی کر لیں، ورلڈکپ سے قبل ایسے فیصلے کا کوئی فائدہ نہیں ہو گا۔
ان کے مطابق 40 سال کی عمر میں مصباح الحق اپنی بقا کیلیے کھیل رہے ہیں، اگر تبدیلی ضروری ہے تو شاہد آفریدی کو ذمہ داری سونپ دینی چاہیے۔ شعیب ملک نے کہا کہ مصباح الحق عمر کی 40 بہاریں دیکھ چکے، وہ کسی کھلاڑی کیلیے آواز نہیں اٹھا سکتے کیونکہ انھیں بخوبی علم ہے کہ ایک سیریز میں ناکامی پر خود انھیں ٹیم سے نکال دیا جائے گا،ایک بار ایسا ہوا تو وہ دوبارہ واپس نہیں آ سکیں گے، آل راؤنڈر نے کہا کہ بورڈ اگر قیادت میں تبدیلی چاہتا ہے تو اس کیلیے یہی وقت مناسب ہوگا، ورلڈکپ سے ایک سیریز قبل ایسے اقدام کا کوئی فائدہ نہیں ہو سکتا، شعیب ملک نے کہا کہ اگر تبدیلی کی گئی تو پھر شاہد آفریدی کو ذمہ داری سونپنا مناسب رہے گا، وہ اپنا آخری ورلڈکپ کھیل رہے ہیں، جسے یادگار بنانے کیلیے یقیناً جان لڑا دیں گے۔
ایک سوال پر سابق قائد نے کہا کہ اگر مجھے میگا ایونٹ کے بعد قیادت سنبھالنے کی پیشکش ہوئی تو قبول کر لوں گا،میری کوشش ہو گی کہ نئے کھلاڑیوں کو گروم کروں اور جب یہ سمجھا کہ وہ ٹیم میں سیٹ ہو گئے تو خود کھیل سے کنارہ کشی اختیار کر لوں گا، انھوں نے کہا کہ فی الحال میں پاکستان کیلیے کھیلنے کی صورت میں لطف اندوز نہیں ہوتا، مجھے علم نہیں ہوتا کہ کھلایا جائے گا یا نہیں، بیٹنگ آرڈر کا بھی کوئی علم نہیں ہوتا۔
شعیب ملک نے کہا کہ ورلڈکپ میں پاکستانی کامیابی کا انحصار بیٹسمینوں کی کارکردگی پر ہوگا، اگر انھوں نے ذمہ داری اور مستقل مزاجی کا مظاہرہ کیا تو اچھے نتائج کی توقع کی جا سکتی ہے۔ پاک سری لنکا ون ڈے سیریز کے بارے میں انھوں نے کہا کہ ابتدائی دونوں میچز میں اسپنر سعید اجمل کی عدم موجودگی نقصان دہ ثابت ہوئی، اگر وہ تیسرا میچ کھیلے تو ٹیم مضبوط ہو جائے گی، طویل القامت فاسٹ بولر عرفان سے بھی توقعات وابستہ کی جا سکتی ہیں جبکہ کوئی دوسرا بولر متاثر کرنے کی اہلیت نہیں رکھتا، شعیب ملک نے کہا کہ اگر کپتان مصباح الحق نے اس میچ میں مثبت اور جارحانہ انداز اپنایا تو پاکستان سیریز اپنے نام کر سکتا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔