میچ کے دوران کیرولین ووزینسکی کے بال اپنے ہی ریکٹ میں الجھ گئے

نیویارک: یو ایس اوپن میں الیکسینڈرا سے میچ کے دوران ڈنمارک کی کیرولین ووزینسکی کے بال اپنے ہی ریکٹ میں الجھ گئے۔

زوردار جھٹکا لگنے کے باعث ان کا سر جھنجھنا اٹھا۔ یہ واقعہ اس وقت پیش آیا جب وہ ریکٹ کو پیچھے لے جا کر ریٹرن شاٹ کھیلنے کی کوشش کر رہی تھیں۔ اس بارے میں ووزینسکی نے کہا کہ پہلے میرے بال ریکٹ میں بہت الجھتے تھے جس کے بعد میں نے چٹیا باندھنا شروع کی، مگر جب بال بڑے ہو جائیں تو کبھی کبھی ایسا ہو جاتا ہے، میں اس وقت گیند کو ہٹ کرنے کی کوشش کر رہی تھی، بال الجھنے سے میرا سر جھنجھنا اٹھا۔