- ویسٹ انڈیز ویمن ٹیم کا پاکستان کو ون ڈے سیریز میں وائٹ واش
- کراچی میں ایرانی خاتون اول کی کتاب کی رونمائی، تقریب میں آصفہ بھٹو کی بھی شرکت
- پختونخوا سے پنجاب میں داخل ہونے والے دو دہشت گرد سی ٹی ڈی سے مقابلے میں ہلاک
- پاکستان میں مذہبی سیاحت کے وسیع امکانات موجود ہیں، آصف زرداری
- دنیا کی کوئی بھی طاقت پاک ایران تاریخی تعلقات کو متاثر نہیں کرسکتی، ایرانی صدر
- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
سری لنکا نے فیصلہ کن معرکے میں پاکستان کو 7 وکٹوں سے شکست دے دی
دمبولا: سری لنکا نے 3 ایک روزہ میچوں کی سیریز کے فیصلہ کن معرکے میں پاکستان کو باآاسانی 7وکٹوں سے شکست دے کر سیریز 1-2 سے اپنے نام کر لی۔
سری لنکا کے رنگیری دمبولا انٹر نیشنل اسٹیڈیم میں کھیلے جا رہے میچ میں پاکستانی کپتان مصباح الحق نے ٹاس جیت کر پہلے بیٹنگ کا فیصلہ کیا اور بارش سے متاثرہ میچ میں آئی لینڈرز کو جیت کے لئے 103 رنز کا ہدف دیا جو سری لنکا نے با آسانی 3 وکٹوں کے نقصان پر 19ویں اوور میں پورا کر لیا۔ سری لنکا کی جانب سے تلکارتنے دلشن 50 رنز بنا کر ناٹ آؤٹ ہوئے جب کہ مہیلا جے وردنے نے 26 رنز بنائے۔ پاکستان کی جانب سے محمد عرفان، سعید اجمل اور وہاب ریاض نے ایک ایک وکٹ حاصل کی۔
اس سے قبل پاکستان کا پہلے بیٹنگ کا فیصلہ سود مند ثابت نہ ہوا اور محض 4 رنز پر شرجیل خان اپنا کھاتا کھولے بغیر ہی آؤٹ ہو گئے اس کے بعد حسب روایت پاکستانی کھلاڑیوں کو آنا جانا لگا رہا اور وقفے وقفے سے پاکستانی کھلاڑی خزاں کے پتوں کی طرح جڑتے رہے۔ احمد شہزاد 10، محمد حفیظ 1، مصباح الحق 18 رنز بنا کر آؤٹ ہوئے جبکہ عمر اکمل اور صہیب مقصود 7،7 رنز بنا سکے۔ شاہد خان آفریدی بھی 2 رنز کر پویلین لوٹ گئے جب کہ وہاب ریاض صفر پر آؤٹ ہو گئے۔ بارش کے باعث کھیل 48 اوورز فی اننگ تک محدود کر دیا گیا لیکن پوری ٹیم 33ویں اوور میں 102 رنز بنا کر آؤٹ ہوگئی۔ سعید اجمل نے 6 رنز بنائے جب کہ محمد عرفان 5 رنز اسکور کر سکے، فواد عالم 38 رنز بنا کر ناٹ آؤٹ رہے۔ قومی ٹیم کے 8 کھلاڑی 10 کا ہندسہ بھی عبور نہ کر سکے۔
سری لنکا کی جانب سے تشارا پریرا نے 4، دھمیکا پرساد نے 2 جب کہ لاستھ ملنگا، رنگنا ہیراتھ اور سکوگی پراسنا نے ایک ایک کھلاڑی کو آؤٹ کیا۔ اس سے قبل اس گراؤنڈ پر پاکستان کا کم ترین اسکور 116 رنز تھا۔
واضح رہے کہ 3 ایک روزہ میچوں کی سیریز کے پہلے میچ میں پاکستان نے سری لنکا کو 4 وکٹوں سے شکست دی تھی جب کہ دوسرے میچ میں آئی لینڈرز نے شاہینوں کو 77 رنز سے ہرایا تھا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔