- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
اسلام آباد میں طاقت کے استعمال سے کوئی نقصان ہوا تو ایم کیوایم بھی میدان میں آجائے گی، الطاف حسین
لندن: ایم کیو ایم کے قائد الطاف حسین کو حکومت کو تنبیہہ کرتے ہوئے کہا ہے کہ اگر اسلام آباد میں طاقت کے استعمال کے نتیجے میں کوئی نقصان ہوا تو پھر ایم کیوایم بھی اس ظلم کے خلاف میدان میں آجائے گی جس کے بعد کراچی سے خیبر تک عوام سڑکوں پر ہوں گے۔
لندن سے جاری بیان میں الطاف حسین کا کہنا تھا کہ عوامی تحریک اورتحریک انصاف کے مظاہرین کے خلاف طاقت کااستعمال نہ کیاجائے کیونکہ مظاہرین میں نوجوان اوربزرگ ہی نہیں بلکہ خواتین اورمعصوم بچے بچیاں بھی شامل ہیں۔ انہوں نے کہا کہ وزیراعظم نوازشریف اور وزیراعلیٰ پنجاب فوری طور پر عمران خان اور طاہرالقادری کے ساتھ بیٹھ کر بات چیت کریں اور ان کے جائزمطالبات کوفی الفورتسلیم کریں۔ ان کا کہنا تھا کہ وزیراعظم بھرپور کوشش کریں کہ مسئلہ پر امن طریقے سے حل ہوجائے، صورتحال کا تقاضہ ہے کہ طاقت کا استعمال کرنے سے بہتر ہے کہ وزیراعظم نوازشریف جمہوریت اور امن استحکام کی خاطر آئینی طریقہ استعمال کرتے ہوئے رضا کارانہ طور پر اپنا منصب چھوڑیں اور اوراسمبلی کا ہنگامی اجلاس بلا کران ہاؤس تبدیلی لے آئیں اوراپنی جماعت میں سے کسی کوبھی وزیراعظم بنادیں تاکہ جمہوریت چلتی رہے۔
الطاف حسین نے کہا کہ قومی سلامتی کے اداروں کی عزت کومجروح نہ کیاجائے، اگردفاعی اداروں کی عزت مجروح ہوئی تواس سے ملکی سلامتی اورعزت وقار کو نقصان پہنچے گا۔ ان کا کہنا تھا کہ مظاہرین کے خلاف طاقت کے استعمال سے ہرقیمت پرگریزکیا جائے اور اگر اگرطاقت کے استعمال کے نتیجے میں انسانی جانوں کانقصان ہواتو پھر ایسی صورت میں ایم کیوایم بھی اس ظلم وستم کے خلاف میدان عمل میں آجائے گی اورپھرکراچی سے خیبرتک عوام سڑکوں پر ہوں گے۔ انہوں نے پولیس، رینجرز، ایف سی اورقانون نافذ کرنے والے اداروں سے اپیل کی کہ وہ حکومت کے ایسے احکامات نہ مانیں جن سے شہریوں کاخون بہے جبکہ عمران خان اور طاہرالقادری بھی اپنااحتجاج پرامن رکھیں اوراس بات کویقینی بنائیں کہ ان کااحتجاج کے باعث وزیراعظم ہاؤس، ایوان صدر سمیت حساس عمارتوں کو کسی بھی قیمت پر نقصان نہ پہنچے کیونکہ یہ عمارتیں ریاست پاکستان کی علامتیں ہیں،مظاہرین ڈپلومیٹک انکلیو میں بھی داخل نہ ہوں اورکسی بھی سفارتخانے کوکوئی نقصان یا سفارتکارکو کوئی تکلیف نہ پہنچے یہ پاکستان کے مہمان ہیں اوران کاتحفظ ہماری ذمہ داری ہے ۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔