پرویز مشرف کے خلاف سنگین غداری کیس کی سماعت بغیر کارروائی کے ملتوی

ویب ڈیسک  منگل 2 ستمبر 2014
گزشتہ سماعتوں کے دوران پرویز مشرف کے وکلا نے کیس کی سماعت ملتوی کرنے یا اسے کراچی منتقل کرنے کی درخواست کی تھی ۔ فوٹو: فائل

گزشتہ سماعتوں کے دوران پرویز مشرف کے وکلا نے کیس کی سماعت ملتوی کرنے یا اسے کراچی منتقل کرنے کی درخواست کی تھی ۔ فوٹو: فائل

اسلام آباد: وفاقی دارالحکومت میں جاری دھرنوں اور مظاہروں کے باعث سابق صدر پرویز مشرف کے خلاف سنگین غداری کیس کی سماعت کسی بھی کارروائی کے بغیر ملتوی کردی گئی۔

سابق صدر پرویز مشرف کے خلاف سنگین غداری کیس کی سماعت کرنے والی خصوصی عدالت نے اسلام آباد میں جاری صورت حال کے باعث سماعت ملتوی کر دی گئی ہے، اب کیس کی سماعت 9 ستمبر کو ہوگی، سماعت ملتوی ہونے کے حوالے سے استغاثہ اور سابق صدر پرویز مشرف کے وکلاء کو باضابطہ اطلاع دے دی گئی ہے۔

واضح رہے کہ جسٹس فیصل عرب کی سربراہی میں تین رکنی خصوصی عدالت مشرف غداری کیس کی سماعت کررہی ہے، گزشتہ سماعتوں کے دوران پرویز مشرف کے وکلا نے کیس کی سماعت ملتوی کرنے یا اسے کراچی منتقل کرنے کی درخواست کی تھی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔