- ویمن ون ڈے سیریز؛ پاک ویسٹ انڈیز ٹیموں کا کراچی میں ٹریننگ سیشن
- محکمہ صحت پختونخوا نے بشریٰ بی بی کے طبی معائنے کی اجازت مانگ لی
- پختونخوا؛ طوفانی بارشوں میں 2 بچوں سمیت مزید 3 افراد جاں بحق، تعداد 46 ہوگئی
- امریکا کسی جارحانہ کارروائی میں ملوث نہیں، وزیر خارجہ
- پی آئی اے کا یورپی فلائٹ آپریشن کیلیے پیرس کو حب بنانے کا فیصلہ
- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
- جرائم کی شرح میں اضافہ اور اداروں کی کارکردگی؟
- ضمنی انتخابات میں عوام کی سہولت کیلیے مانیٹرنگ اینڈ کنٹرول سینٹر قائم
- وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
- پختونخوا؛ صحت کارڈ پر دوائیں نہ ملنے پر معطل کیے گئے 15 ڈاکٹرز بحال
- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
- پختونخوا؛ مسلسل بارشوں کی وجہ سے کئی اضلاع میں 30 اپریل تک طبی ایمرجنسی نافذ
- پختونخوا؛ سرکاری اسکولوں میں کتب کی عدم فراہمی، تعلیمی سرگرمیاں معطل
- موٹر وے پولیس کی کارروائی، کروڑوں روپے مالیت کی منشیات برآمد
- شمالی کوریا کا کروز میزائل لیجانے والے غیرمعمولی طورپربڑے وارہیڈ کا تجربہ
- پاکستان اور نیوزی لینڈ کے درمیان دوسرا ٹی20 آج کھیلا جائے گا
- بابر کو ماضی کی غلطیوں سے سبق سیکھنے کا مشورہ
- موبائل فون صارفین کی تعداد میں 37 لاکھ کی ریکارڈ کمی
- گیلپ پاکستان سروے، 84 فیصد عوام ٹیکس دینے کے حامی
ای سی او چیمبر کی صدارت کل پاکستان کو سونپ دی جائے گی
کراچی: ای سی او چیمبر آف کامرس کی جنرل باڈی کا اجلاس جمعرات 4 ستمبر کو ہوگا جس میں ای سی او چیمبر کی صدارت پاکستان کو سونپ دی جائے گی، ایف پی سی سی آئی کے صدر زکریا عثمان آئندہ 3 سال کے لیے اس عہدے پر خدمات انجام دیں گے۔
ان اجلاسوں سے قبل ای سی او چیمبر کی مختلف کمیٹیوں کے اجلاس منعقد ہونا شروع ہو چکے ہیں جس میں ای سی او ممبر ممالک کے مختلف سیکٹر میں باہمی معاشی اور تجارتی حجم کو بڑھانے کے سلسلے میں تجاویز پر بھی غور کیا جائے گا، اسی تسلسل میںای سی او چیمبر کی ٹورازم کمیٹی کا پانچواں اجلاس گزشتہ روز منعقد ہوا جس میں ایران سے کمیٹی کی چیئرپرسن محترمہ مغیمی نے ای سی او ممالک کے مابین سیاحت کی اہمیت کو واضح کیا۔ ای سی او چیمبرکے سیکریٹری جنرل نے ہیلتھ ٹورازم کے سلسلے ایران میں ہونے والی کانفرنس اور ایگزبیشن کے بارے میں تفصیلی رپورٹ دی۔
ای سی او ممالک میں ہیلتھ ٹورازم کے فروغ کے روشن امکانات کی وضاحت کی اور کہاکہ سیاحت دیگر تمام معاشی، ثقافتی اور سماجی شعبوں میں سرگرمیاں بڑھانے کے لیے اہم کردار ادا کرتی ہے، کمیٹی کے ممبران نے ای سی او ممبر ممالک میں ہوٹل اور ٹور آپریٹر فورم کے انعقاد پر زور دیا ہے اور ممبر ممالک میں ہفتہ سیاحت کی تجو یز کو بھی سر اہا۔ کمیٹی کے ممبران ای سی او ممبر ممالک کے درمیان ویزے کی سہولتوں اور براہ راست فلائٹ کنکشن پر بھی زور دیا۔ فیڈریشن کے نائب صدر اسماعیل ستار نے پاکستان میں سیاحت کے وسیع امکانات کے بارے میں ممبران کو تفصیل سے آگاہ کیا۔
ای سی او چیمبر کی کمیٹیوں کے اجلاسوں کے تسلسل میں دوسرا اجلاس انڈسٹری اینڈ انویسٹمنٹ کمیٹی بھی منعقد ہوا جس میں ای سی او ممالک کے مابین جاری منصوبوں کے بارے میں حالیہ تفصیلات پر بحث کی گئی۔ ای سی اوچیمبر آف کامرس کے سیکریٹری جنرل ڈاکٹر کرباسی نے بتایا کہ ای سی اوکے 2 یا 2 سے زائد ممالک مل کر کوئی بھی منصوبہ بنا کر ای سی اوکے ٹریڈ ڈیولپمنٹ بینک سے سرمایہ کاری کے لیے رابطہ کر سکتے ہیں۔
زکریا عثمان نے تجویز دی کہ پاکستان میں ای سی او بزنس کنکلیو منعقد کی جائے کیونکہ اس سے ای سی او ممالک کے درمیان باہمی معاشی تجارتی اور سرمایہ کاری کی سرگرمیوں پر مثبت اثرات پڑیں گے اور ای سی او ممبر ممالک کے بزنس کمیونٹی کے درمیان باہمی کاروباری رشتہ مضبوط ہوگا اور آپس کے تعلقات میں بہت اضافہ ہوگا اور ان ممالک کے درمیان تجارتی حجم میں اضافہ ہو گا۔ کمیٹی کے ممبران نے زکریا عثمان کی تجویز کو سراہا۔
ای سی اوچیمبر کی ٹرانسپورٹیشن کمیٹی کا بھی اجلاس ہوا جس میں ای سی او ممالک کے مابین کارگو ٹرانسپورٹیشن اور کسٹم کے عملے کے کام کے مناسب اوقات کار متعین کرنے پر غور کیا گیا۔ کمیٹی ممبران نے ای سی او ممالک کے مابین زمینی راستے کے ذریعے تجارت کے فروغ کیلیے اسلام آباد، تہران، استنبول (آئی ٹی آئی) ٹرین روٹ اور قازقستان، ترکمانستان، افغانستان، ایران (کے ٹی اے آئی) ٹرین منصوبوں پر تفصیل سے بحث کی اور اس سلسلے میں ای سی او کنٹینر ٹرین پر ایک ہائی لیول ورکنگ گروپ کی آٹھویں میٹنگ جو اس سال مارچ میں تہران میں منعقد ہوئی میں طے کیے گئے فیصلوں پر بھی غو ر کیا گیا۔
کمیٹی کے ارکان نے آئی ٹی آئی اور کے ٹی اے آئی کے منصبوں کی مارکیٹنگ کیلیے ایک کمرشل ورکنگ گروپ کو بھی متحرک کرنے پر زور دیا۔ کمیٹی نے پاکستان کے ٹرانسپورٹ آپریٹرز کیلیے ٹریننگ ورکشاپ کے ذریعے ان کی مہارت اور کارکردگی بڑھانے کی تجویز بھی دی۔ واضح رہے کہ مذکورہ کمیٹیوں کی حتمی سفارشات کو ای سی او چیمبر کی ایگزیکٹو کمیٹی کے اجلاس میں رکھا جائے گا جو مشاورت کے بعد ان کی تو ثیق کرے گا۔ تمام کمیٹیوں کے اجلاسوں کے اختتام پر کمیٹیوں کے ارکان بہترین میزبانی اور اجلاسوں کے انتظامات پر ایف پی سی سی آئی کی تعریف کی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔