- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
چیئرمین کرکٹ بورڈ کا کپتان وکوچ پر اظہارِ اعتماد
لاہور: چیئرمین پی سی بی شہریار خان نے کپتان مصباح الحق اور ٹیم مینجمنٹ پر مکمل اعتماد کا اظہار کردیا۔
مصباح اور چیف کوچ وقار یونس سے الگ الگ ملاقات میں انھوں نے اپنی بھرپور حمایت کا اعادہ کرتے ہوئے آئندہ سیریز اور ورلڈکپ کی تیاریوں کیلیے محنت جاری رکھنے کی ہدایت کردی۔ تفصیلات کے مطابق دورئہ سری لنکا میں ٹیسٹ اور ون ڈے دونوں سیریز ہارنے والی قومی کرکٹ ٹیم کے کپتان مصباح الحق اور ہیڈ کوچ وقار یونس کو گذشتہ روز قذافی اسٹیڈیم لاہور طلب کیاگیا، دونوں نے چیئرمین پی سی بی شہریار خان سے الگ الگ ملاقات میں شکستوں کی وجوہات اور آئندہ لائحہ عمل پر تفصیلی بات چیت کی۔ وقار یونس دوپہر 12 بجے کے قریب آئے اور نصف گھنٹے سے زائد وقت تک چیئرمین کے کمرے میں موجود رہے۔
مصباح الحق کی ملاقات دوپہر 2 سے 3 بجے تک جاری رہی، ہیڈ کوچ نے دورے کے حوالے سے اپنی رپورٹ چیئرمین کو پیش کردی، دونوں ملاقاتوں میں کھلاڑیوں کی انفرادی کارکردگی اور ٹیم کمبی نیشن تشکیل دینے میں درپیش مسائل سے آگاہ کیا گیا، یواے ای میں آسٹریلیا اور نیوزی لینڈ کیخلاف سیریز کی تیاریوں اور مستقبل کے پلان پر بھی بات چیت ہوئی۔ اس موقع پر شہریار خان نے کوچ اور کپتان کو اپنے بھرپور اعتماد کا یقین دلاتے ہوئے دورۂ سری لنکا میں سامنے آنے والی خامیوں کو دور کرنے کیلیے محنت کا سلسلہ جاری رکھنے کی ہدایت دی۔
میڈیا سے گفتگو کرتے ہوئے مصباح الحق نے کہا کہ چیئرمین سے ملاقات میں ٹیم کی ناقص کارکردگی کی وجوہات پر بات ہوئی، آئندہ سیریز اور خاص طور پر ورلڈکپ کیلیے بہتر پلان اور تیاریوں کے معاملات بھی زیر غور آئے،مجموعی طور پر میٹنگ بہت اچھی رہی۔یاد رہے کہ قومی ٹیم کے منیجر اور چیف سلیکٹر معین خان کراچی میں موجود ہیں، چیئرمین شہریار خان بدھ کو سابق کپتان سے ملاقات کریں گے، اس موقع پر ٹیم کے معاملات پر بات ہوگی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔