لاہور پولیس کے کریک ڈاؤن میں تحریک انصاف کے 400 سے زائد کارکن گرفتار

ویب ڈیسک  ہفتہ 13 ستمبر 2014
گرفتار کئے گئے کارکنان کو متعلقہ پولیس اسٹیشن کے بجائے دور دراز پولیس اسٹیشنوں میں منتقل کردیا گیا ہے۔   فوٹو: فائل

گرفتار کئے گئے کارکنان کو متعلقہ پولیس اسٹیشن کے بجائے دور دراز پولیس اسٹیشنوں میں منتقل کردیا گیا ہے۔ فوٹو: فائل

لاہور: پولیس نے تحریک انصاف کے کارکنون کے خلاف ایک بار پھر کریک ڈاؤن کا آغاز کردیا ہے جس کے تحت اب تک پی ٹی آئی کے 400 سے زائد کارکنان کو گرفتار کیا جاچکا ہے۔

ایکسپریس نیوز کے مطابق تحریک انصاف کے چیرمین عمران خان گزشتہ رات دھرنے کے شرکا سے خطاب کرتے ہوئے کہا تھا کہ ہفتہ کو عوام اور کارکنوں کا بہت بڑا اجتماع ہوگا اس لئے تمام کارکن ہر طرح کی رکاوٹیں عبور کرکے اسلام آباد پہنچے جس پر لاہور پولیس نے گزشتہ رات پہلے پی ٹی آئی کے کارکنان کی فہرستیں تیار کیں اور پھر باقاعدہ کریک ڈاؤن کا آغاز کرکے 400 سے زائد کارکنان کو حراست میں لے لیا، گرفتار کئے گئے کارکنان کو متعلقہ پولیس اسٹیشن کے بجائے دور دراز پولیس اسٹیشنوں میں منتقل کیا گیا ہے جبکہ تحریک انصاف کے کئی سرگرم کارکن گرفتاری سے بچنے کے لئے روپوش بھی ہوگئے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔