- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
- کراچی میں سیشن جج کے بیٹے قتل کی تحقیقات مکمل،متقول کا دوست قصوروار قرار
- غزہ کے اسپتالوں میں اجتماعی قبروں نے اقوام متحدہ کو بھی خوفزدہ کردیا
- ایکس کی اسمارٹ ٹی وی ایپ متعارف کرانے کی تیاری
- جوائن کرنے کے چند ماہ بعد ہی اکثر لوگ ملازمت کیوں چھوڑ دیتے ہیں؟
- لڑکی کا پیار جنون میں تبدیل، بوائے فرینڈ نے خوف کے مارے پولیس کو مطلع کردیا
غیر ملکی سرمایہ کاری جولائی تا اگست 20 فیصد گرگئی
کراچی: پاکستان میں رواں مالی سال کے پہلے 2 ماہ (جولائی اگست) کے دوران غیرملکی سرمایہ کاری میں 20فیصد کمی ریکارڈ کی گئی ہے۔
اسٹیٹ بینک آف پاکستان کے اعدادوشمارکے مطابق جولائی اگست کے دوران مجموعی غیرملکی سرمایہ کاری کی مالیت 17کروڑ 26لاکھ ڈالر رہی جبکہ گزشتہ مالی سال کے اسی عرصے میں 21 کروڑ 58 لاکھ ڈالر کی غیرملکی سرمایہ کاری کی گئی تھی۔
اعداد و شمار کے مطابق پہلے 2 ماہ کے دوران غیرملکی نجی سرمایہ کاری گزشتہ مالی سال کے مقابلے میں 18.2فیصد کے اضافے سے 20کروڑ 92 لاکھ ڈالر رہی جس میں براہ راست غیرملکی سرمایہ کاری 37 فیصد کم ہوکر 8کروڑ 71لاکھ ڈالر رہی، جولائی اگست میں براہ راست غیرملکی سرمایہ کاری کے انفلوز 27کروڑ 39لاکھ ڈالر اور آئوٹ فلو 18کروڑ 68 لاکھ ڈالر رہے، گزشتہ مالی سال ایف ڈی آئی کے انفلوز 34کروڑ 23 لاکھ ڈالر اور انفلوز 20کروڑ 39 لاکھ ڈالر رہے تھے۔
گزشتہ مالی سال کے اسی عرصے میں غیرملکی نجی سرمایہ کاری 17کروڑ 69لاکھ ڈالر رہی تھی جس میں 13کروڑ 83لاکھ ڈالر کی براہ راست غیرملکی سرمایہ کاری شامل تھی۔ اعدادوشمار کے مطابق گزشتہ 2 ماہ کے دوران پورٹ فولیو سرمایہ کاری 216 فیصد کے اضافے سے 12کروڑ 21لاکھ ڈالر رہی، جولائی اگست 2013 میں پورٹ فولیو سرمایہ کاری 3کروڑ 86 لاکھ ڈالر رہی تھی، اس عرصے میں غیرملکی پبلک انویسٹمنٹ 194فیصد کی کمی سے منفی 3کروڑ 66لاکھ ڈالر رہی، گزشتہ سال کے اسی عرصے میں فارن پبلک انویسٹمنٹ 3کروڑ 89 لاکھ ڈالر رہی تھی۔
اعداد و شمار کے مطابق مختلف شعبہ جات کے سلسلے میں جولائی اگست 2014 کے دوران فنانشل بزنس میں 2کروڑ 37لاکھ ڈالر کی براہ راست غیرملکی سرمایہ کاری کی گئی، فوڈ سیکٹر میں 1 کروڑ 63 لاکھ ڈالر، ٹوبیکو اینڈ سگریٹ میں 2 کروڑ ڈالر، کیمکلز میں 1کروڑ 98لاکھ ڈالر، تیل و گیس کی تلاش کے شعبے میں 4کروڑ 26لاکھ ڈالر، ٹریڈ سیکٹر میں 1کروڑ 3 لاکھ ڈالر کی سرمایہ کاری کی گئی، فارماسوٹیکلز اور او ٹی سی پراڈکٹس کے شعبے میں سرمایہ کاری منفی 4کروڑ 85لاکھ جبکہ کمیونی کیشن سیکٹر میں ایف ڈی آئی منفی 2کروڑ 41لاکھ ڈالر اور سیمنٹ سیکٹر میں منفی 76 لاکھ ڈالر رہی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔