- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
خود کو کسی سے بھی کمتر نہ سمجھیں، کپتان کی لاہور لائنز کو ہدایت
حیدرآباد دکن: بھارت میں جاری ٹی ٹوئنٹی چیمپئنز لیگ میں شریک لاہور لائنزکے کپتان محمد حفیظ نے اپنے کھلاڑیوں سے کہا ہے کہ وہ خود کو کسی سے بھی کمتر نہ سمجھیں اور اپنی صلاحیتوں کے مطابق کھیلیں۔
ان کی ٹیم نے کوالیفائنگ راؤنڈ میں ممبئی انڈینز اور سدرن ایکسپریس کو شکست دے کر فائنل راؤنڈ میں جگہ بنائی،اب اس کا مقابلہ کولکتہ نائٹ رائیڈرز، چنئی سپرکنگز، ڈولفنز اور پرتھ اسکارچرز سے ہونا ہے۔ حفیظ نے بی بی سی کو انٹرویو میں کہا کہ لاہور لائنز کی کوشش ہوگی کہ کوالیفائنگ راؤنڈ میں اس نے جو اچھی کرکٹ کھیلی اسے آنے والے میچوں میں بھی برقرار رکھا جائے، کھلاڑی پُرجوش اور اپنی کرکٹ سے لطف اندوز ہو رہے ہیں۔
انھوں نے کہا کہ اس میں کوئی شک نہیں کہ کولکتہ نائٹ رائیڈرز اور چنئی سپر کنگز کا تجربہ لاہور لائنز سے کہیں زیادہ ہے لیکن ٹی ٹوئنٹی میں جس دن آپ اچھا کھیلیں تو ٹیلنٹ کسی بھی ٹیم کو شکست دے سکتا ہے۔ ہماری ٹیم میں صلاحیت موجود ہے، البتہ فیلڈنگ سمیت چند پروفیشنل معاملات پر مزید توجہ دینا ہوگی، ٹیم کے 8،9 کھلاڑی پہلی بار اس طرح کا کوئی بڑا ایونٹ کھیل رہے ہیں، وہ جتنا زیادہ کھیلیں اتنا ہی سیکھیں گے۔
محمد حفیظ نے کہا کہ کوالیفائنگ میچز میں وہاب ریاض اور اعزاز چیمہ نے اچھی بولنگ کی جبکہ عدنان رسول، آصف رضا اور عمران علی کا کردار بھی اہم ہے۔ عمراکمل نے پہلے میچ میں اچھی بیٹنگ کی جبکہ سعد نسیم کا ٹیلنٹ ڈومیسٹک کرکٹ میں دیکھ چکے ہیں، وہ ایک مکمل کرکٹر ہے لیکن بدقسمتی سے انگلی زخمی ہونے کے سبب بولنگ نہیں کر پایا۔
حفیظ نے کہا کہ بھارت میں کھیلنے کا اپنا ہی مزا ہے، یہاں کے شائقین کرکٹ کے دیوانے اور جب بھی پاکستانی کرکٹرز بھارت آ کر کھیلیں تو بڑی محبت ملتی ہے، ٹورنامنٹ میں چونکہ ہمارا پہلا میچ ممبئی انڈینز سے تھا لہذا شائقین کی ہمدردیاں اسی کے ساتھ تھیں، میزبان کو ہرانے کے بعد شائقین نے لاہور لائنز کی طرف توجہ دینا شروع کر دی، مجھے امید ہے کہ لاہور لائنز آئندہ میچز میں جتنا اچھا کھیلے کراؤڈ کی اتنی ہی زیادہ سپورٹ اسے ملے گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔