- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
سپر ہائی وے پر بکرا منڈی کا باضابطہ افتتاح آج ہوگا
کراچی: سپرہائی وے پر بکرا منڈی کا (آج) باضابطہ افتتاح کیا جائے گا، بکرا منڈی کے بلاک ٹو کو وی آئی پی بلاک میں تبدیل کر دیا گیا جس کی زمین بیوپاریوں کو مہنگے داموں فروخت کرنے والی مافیا ایک بار پھر سرگرم ہوگئی اور انھوں نے اس حوالے سے منصوبہ بندی کو حتمی شکل دیدی۔
تفصیلات کے مطابق سپر ہائی وے پر قربانی کے جانوروں کیلیے قائم کی جانے والی بکرا منڈی کا (آج) بروز جمعہ افتتاح کر دیا جائے گا اس حوالے سے مویشی منڈی کے ایڈمنسٹریٹر رانا عمران کی جانب سے جاری ہونے والے اعلامیے میں بتایا گیا ہے کہ سپرہائی وے پر بکرا منڈی 65 ایکڑ پر قائم کی گئی ہے جس کا (آج) باقاعدہ آغاز ہو جائے گا اور اب تک لائے جانے والے بکرے ، دنبے ، بھیڑ اور اونٹوں کو گائے منڈی میں عارضی طور پر رکھا گیا تھا تاہم اب ان سب کو بکرا منڈی میں منتقل کر دیا گیا ہے۔
بکرا منڈی کی انتظامیہ نے تمام انتظامات مکمل کرلیے ہیں، نمائشی بلاک کے علاوہ بکرا منڈی میں تمام بلاک مفت فراہم کیے گئے ہیں جو پہلے آئیے اور پہلے پایے کی بنیاد پر دیئے جارہے ہیں، بکرے کی داخلہ فیس چھ سو روپے جبکہ اونٹ اور گائے کی فیس ایک ہزار روپے مقرر جبکہ بیوپاریوں کو بے شمار سہولتیں بشمول سیکیورٹی انتظامات، جانوروں کے لیے پینے کا پانی، جانوروں کا مفت طبی معائنہ و علاج اور لائٹنگ سمیت دیگر انتظامات شامل ہیں۔
منڈی کے اندر نجی سیکیورٹی فرم کے ساتھ مل کر سیکیورٹی کے انتظامات کیے گئے ہیں اس کے علاوہ پولیس اور رینجرز کے تعاون سے سیکیورٹی کے فول پروف اقدامات کیے گئے ہیں اور ان کے مسلسل گشت کو بھی یقینی بنایا جا رہا ہے۔
دریں اثنا مویشی منڈی کے ذرائع نے بتایا کہ گزشتہ سالوں میں قائم کی جانے والی بکرا منڈی چار دیواری پر مشتمل 2 بڑے خالی پلاٹوں پر قائم کی جاتی تھی جس میں بلاک ون وی آئی پی جبکہ بلاک ٹو کو جنرل بلاک کا نام دیا جاتا تھا جس میں عام بیوپاریوں کو بلامعاوضہ جگہ فراہم کی جاتی تھی تاہم اس بار بلاک ون کا پلاٹ بکرا منڈی لگانے کے لیے دستیاب نہیں ہو سکا جس کے باعث بلاک ٹو کو وی آئی پی بلاک بنایا جا رہا ہے جہاں پر زمین فراہم کرنے کے لیے پے آرڈر کے ذریعے رقم وصول کی جا رہی ہے۔
ذرائع کا کہنا ہے کہ بکرا منڈی کی زمین ہتھیانے اور مہنگے داموں فروخت کرنے والی مافیا سرگرم ہوگئی جبکہ اس سے قبل گائے منڈی میں متعدد افراد بیوپاریوں کو زمین دلانے کے بہانے لاکھوں روپے بٹور چکے ہیں جنھیں بعدازاں انتظامیہ نے منڈی سے نکال دیا تھا۔
ذرائع کا کہنا ہے کہ پیر زادہ نامی بیوپاری کے علاوہ گلو عرف گلو بٹ، عمران اور ماسٹر نامی شخص نے بکرا منڈی کی زمین بیوپاریوں کو مہنگے داموں فروخت کرنے کی منصوبہ بندی کی ہے تاہم انتظامیہ نے عمران اور گلو بٹ کو مویشی منڈی سے بے دخل کرتے ہوئے ان کا داخلہ ممنوع قرار دے دیا جس کے بعد وہ پس پردہ رہے کر اپنے کارندوں کی مدد سے سرگرمیاں جاری رکھے ہوئے ہیں اس حوالے سے مویشی منڈی کے ایڈمنسٹریٹر رانا عمران کے موبائل فون پر رابطہ کیا گیا تاہم انھوں نے فون ریسیو کرنے سے گریز کیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔