عمران خان کے خلاف اشتعال انگیز بیان دینے پر رانا ثنااللہ کے خلاف مقدمہ درج

ویب ڈیسک  ہفتہ 20 ستمبر 2014
رانا ثنا اللہ نے چند روز قبل عمران خان کے خلاف اشتعال انگیز بیان دیا تھا، فوٹو: فائل

رانا ثنا اللہ نے چند روز قبل عمران خان کے خلاف اشتعال انگیز بیان دیا تھا، فوٹو: فائل

ملتان: لاہور ہائی کورٹ کے حکم کے بعد پولیس نے عمران خان کے خلاف اشتعال انگیز بیان دینے پر سابق وزیر قانون پنجاب رانا ثنااللہ کے خلاف مقدمہ درج کرلیا گیا ہے۔

لاہور ہائی کورٹ کے ملتان بینچ کے حکم پر تھانہ چہلیک میں سابق وزیر قانون پنجاب رانا ثنا اللہ کے خلاف پاکستان تحریک انصاف کے چیئرمین عمران خان کے خلاف نازیبا اور شر انگیز بیان دینے پر مقدمہ درج کرلیا گیا ہے، مقدمہ 153 دفعہ کے تحت درج کیا گیا ہے۔

واضح رہے کہ سابق وزیر قانون پنجاب رانا ثنا اللہ نے چند روز قبل عمران خان کے خلاف اشتعال انگیز بیان دیا تھا، جس کے بعد ملتان کے ایک شہری نے ہائی کورٹ میں رانا ثنا اللہ کے نازیبا الفاظ کے خلاف درخواست دائر کی تھی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔