پاکستان میں پہلی بار بچے کا موٹاپا کم کرنے کیلیے کامیاب سرجری

ایسے بچے پیدائشی طور پر موٹاپے کے علاوہ ذہنی نشوونما میں کمی، آنکھوں، دل اور گردہ کے امراض بھی مبتلا ہوتے ہیں، ڈاکٹرز

نیٹ نیوز منگل 23 ستمبر 2014

یہ آپریشن تقریباً 5 گنا کم قیمت پر میسر ہوگا اور اس سے پہلے یہ سرجری صرف بڑی عمر کے لوگوں میں کی جاتی تھی۔ فوٹو : فائل

لاہور: نجی اسپتال میں ز لیپروسکوپک سرجری کے ذریعے بچے کا موٹاپا کم کرنے کے لیے پاکستان میں پہلی بار کامیاب آپریشن کیا گیا۔

آپریشن ڈاکٹر معاذ الحسن اور ان کی ٹیم نے کیا۔ ڈاکٹروں کا کہنا ہے کہ ایسے بچے پیدائشی طور پر موٹاپے کے علاوہ ذہنی نشوونما میں کمی، آنکھوں، دل اور گردہ کے امراض بھی مبتلا ہوتے ہیں۔

اس سے پہلے پاکستان میں ایسے بچوں کا کوئی علاج موجود نہیں تھا اور والدین ایسے بچوں کو برطانیہ، امریکا، یورپ اور دیگر ترقی یافتہ ممالک میں لے جایا کرتے تھے لیکن اب مقابلتاً یہ آپریشن تقریباً 5 گنا کم قیمت پر میسر ہوگا اور اس سے پہلے یہ سرجری صرف بڑی عمر کے لوگوں میں کی جاتی تھی۔