دنیا بھر میں ’عالیشان پاکستان‘ کے نام سے نمائشوں کا فیصلہ

کراچی: نئی دہلی میں ہونیوالی عالیشان پاکستان نمائش کے رسپانس کو دیکھتے ہوئے وفاقی وزارت تجارت نے اس نمائش کو پاکستانی مصنوعات اور کلچر کی تشہیر کے لیے دنیا بھر میں برانڈ کے طور پر استعمال کرنے کا فیصلہ کیا ہے۔

وفاقی وزارت تجارت کے ذرائع کے مطابق بھارت میں ہونے والی پاکستانی لائف اسٹائل نمائش ’عالیشان پاکستان‘ کا سلسلہ جاری رکھنے اور اس برانڈ کے تحت بھارت میں سال میں 2 مرتبہ نمائش منعقد کرنے پر غور کیا جارہا ہے، ساتھ ہی عالیشان پاکستان کو دبئی، جدہ اور لندن میں بھی منعقد کرنے کا اصولی فیصلہ کیا گیا ہے جس کی حتمی منظوری کابینہ سے حاصل کرکے نمائشوں کا شیڈول مرتب کیا جائے گا۔