امریکا میں اداکارہ وینا ملک کے ہاں بیٹے کی پیدائش

ورجینیا: پاکستانی ماڈل اور اداکارہ ڈرامہ کوئین وینا ملک بیٹے ماں بن گئیں، گھر میں ننھے مہمان کی آمد پر وینا اور ان کے شوہر اسد بشیر خٹک کی خوشی کا کوئی ٹھکانہ نہیں۔

وینا ملک اور اسد بشیر خٹک کی جانب سے گھر میں نئے مہمان کی آمد کی خبر سے متعلق مائیکرو بلاگنگ ویب سائٹ ٹویٹر پر آگاہ کیا گیا جب کہ ویب سائٹ پر ایک تصویر بھی اپ لوڈ کی گئی جس میں اسد بشیر خٹک اپنے بیٹے کو گود میں اٹھائے خوشی سے پھولے نہیں سما رہے۔ ان کے بچے کی پیدائش امریکی ریاست ورجینیا کے اسپتال میں ہوئی ہے جہاں ماں اور بچے کی صحت بہتر ہے۔ وینا اور اسد بشیر کی جانب سے اپنے پہلے بیٹے کا نام ابرام خان رکھا گیا۔

Thank you Allah Pak 4 blessing us wth a lovely son Abram Khan Khattak. @iVeenaKhan thx 4 giving me biggest happiness. pic.twitter.com/IZkx6vEXej

— Asad Bashir Khan (@Asadbashirr) September 23, 2014

واضح رہے کہ وینا ملک اور اسد بشیر نے گزشتہ سال دسمبر میں دبئی میں شادی کی تھی جس کے بعد وہ تقریباً 4 سال بعد پاکستان آئیں تاہم 2 ماہ قبل وینا ملک اپنے شوہر کے ساتھ امریکا منتقل ہوگئیں تھیں۔