- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
- اوگرا کی تیل کی قیمتیں ڈی ریگولیٹ کرنے کی تردید
- منہدم نسلہ ٹاور کے پلاٹ کو نیلام کر کے متاثرہ رہائشیوں کو پیسے دینے کا حکم
- مہنگائی کے باعث لوگ اپنے بچوں کو فروخت کرنے پر مجبور ہیں، پشاور ہائیکورٹ
- کیا عماد، عامر اور فخر کو آج موقع ملے گا؟
- سونے کی قیمتوں میں معمولی اضافہ
- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
وسیم کے ہاتھوں حادثاتی طور پر 28 سیکنڈز میں حریف ناک آؤٹ
انچیون: ایشین گیمز میں پاکستانی باکسر محمد وسیم نے حادثاتی طورپر صرف 28 سیکنڈز میں اپنے کرغزستانی حریف عزت یوسینالوف کو ناک آؤٹ کردیا، وہ خود کم از کم برانز میڈل کے حقدار بھی بن گئے۔
گذشتہ روز فلائی ویٹ مقابلے کا آغازہوتے ہی حادثاتی طور پر وسیم اور عزت آپس میں ٹکرا گئے، پاکستانی باکسر کا سر حریف کی آنکھ پر لگا جس سے خون جاری ہو گیا اور وہ مقابلہ جاری رکھنے کے قابل نہیں رہے، ریفری کے پاس بھی اس کے سواکوئی چارہ نہیں تھا کہ وہ وسیم کو ٹیکنیکل طور پر ناک آؤٹ فاتح قرار دے دیں۔ اب پاکستانی باکسر سیمی فائنل میں ازبکستان کے شیخوبی دین زوروف سے مقابلہ کریں گے،اگر ہار بھی گئے تب بھی برانز میڈل ہاتھ آئے گا۔
دریں اثنا ریسلنگ میں تمغوں کی پاکستانی امیدیں دم توڑنے لگیں، اسد بٹ نے کوارٹر فائنل میں ناکامی کے بعد ری پیچنگ میچ جیت کر برانز میڈل مقابلے میں رسائی حاصل کی لیکن پھرکورین حریف شنگکو لی سے 1 کے مقابلے میں 3 پوائنٹس سے شکست کھا بیٹھے۔ فری اسٹائل 86 کے جی ایونٹ میں محمد انعام کوارٹر فائنل میںقازقستان کے یسبولات سے ہار گئے، برانز میڈل کیلیے انھیں ری پیچنگ میچ میں ایک اور موقع ملا لیکن وہ اسے بھی کار آمد نہ بنا سکے اور ازبکستان کے امیڈجون اسمانووف سے زیر ہوگئے۔ مینز کبڈی میں پاکستانی فتوحات کا سلسلہ جاری ہے، پیر کو بنگلہ دیش کیخلاف 11 کے مقابلے میں 24 پوائنٹس سے فتح حاصل کرتے ہوئے سیمی فائنل میں رسائی کے ساتھ میڈل کا حصول بھی یقینی بنالیا، پہلے ہاف میں پاکستانی کھلاڑیوں نے 13 اور دوسرے میں 11 پوائنٹس حاصل کیے۔
ٹیبل ٹینس مکسڈ ڈبلز مقابلوں میں پاکستان دونوں میچز ہار گیا، سلیم عباس اور عائشہ اقبال انصاری کی جوڑی کو تھائی کھلاڑیوں نے زیر کیا،دوسرے میچ میں عاصم قریشی اور راحیلہ کاشف کے پیئر کو چائنیز تائپے کی جوڑی کے ہاتھوں شکست ہوئی۔ ویمنز ڈبلز میں پاکستان کو بھارت نے مات دی جبکہ سنگلز میں عائشہ اقبال کو منگولیا کی کھلاڑی نے زیر کرلیا۔ پاکستان کے محمد رمیز کو مکاؤ کے کھلاڑی پر واک اوور مل گیا۔ والی بال ایونٹ میں ٹائٹل کی دوڑ سے باہر ہونے کے بعد پاکستانی سائیڈ نے دوسرے پلے آف میچ میں میانمار کو 3-0 سے شکست دی، ٹیم نے ابتدائی گیم 25-21، دوسرا 25-22 اور تیسرا 25-23 سے جیتا۔
پاکستان کی جانب سے ایمل خان نے 17، ناصر خان نے 10، محب رسول نے 9 اور محمد ادریس نے 8 پوائنٹس حاصل کیے، مبشر رضا نے102 کلومیٹر فی گھنٹہ کی رفتار سے تیز تیرین سروس کرائی۔ شوٹنگ اسکیٹ ون کوالیفکشن راؤنڈ ون میں پاکستانی عثمان چاند 39 شرکا میں 18 ویں اور خرم انعام 21 ویں نمبر پر رہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔