آخری دہشت گرد کے خاتمے تک فوجی آپریشن جاری رہے گا، صدر ممنون حسین

ویب ڈیسک  بدھ 22 اکتوبر 2014
حکومت ملک کو ترقی کی راہ پر گامزن کرنے کے لیے شب روز محنت کررہے ہیں۔ فوٹو: فائل

حکومت ملک کو ترقی کی راہ پر گامزن کرنے کے لیے شب روز محنت کررہے ہیں۔ فوٹو: فائل

گلگت: صدر مملکت ممنون حسین کا کہنا ہےکہ حکومت نے ملک سے دہشت گردی کے خاتمے کا عزم کررکھا ہے اورشمالی وزیرستان میں آخری دہشت کے خاتمے تک فوجی آپریشن جاری رہے گا۔

گلگت میں قراقرم یونیورسٹی کی تقریب سے خطاب کرتے ہوئے صدر ممنون حسین نے کہا کہ گلگت کے آئینی مستقبل کا فیصلہ بہت جلد عوام کی خواہشات کے مطابق ہوگا اور اس کی آئینی اداروں میں نمائندگی کا مسئلہ بھی جلد حل ہوجائے گا۔ انہوں نے کہا کہ ملک میں تعلیم کا فروغ حکومت کی ترجیحات میں شامل ہیں جبکہ حکومت ملک کو ترقی کی راہ پر گامزن کرنے کے لیے شب روز محنت کررہے ہیں اور پوری قوم خوشحالی کی راہ میں ڈالی جانے والی رکاوٹوں کے سامنے سیسہ پلائی دیوار بن جائے۔

صدر ممنون حسین کا کہنا تھا کہ حکومت نے ملک سے دہشت گردی کے خاتمے کا عزم کررکھا ہے جس کے لیے آپریشن جاری ہے اور شمالی وزیرستان میں آخری دہشت گرد کے خاتمے تک فوجی آپریشن جاری رہے گا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔