گلو بٹ کی سزا کی معطلی اور ضمانت کیلئے لاہور ہائیکورٹ میں درخواست دائر

ویب ڈیسک  بدھ 19 نومبر 2014
گلوبٹ کو عدالت نے گاڑیوں کی توڑ پھوڑ کے جرم میں 11 سال اور 3 ماہ قید کی سزا سنائی تھی۔۔ فوٹو: فائل

گلوبٹ کو عدالت نے گاڑیوں کی توڑ پھوڑ کے جرم میں 11 سال اور 3 ماہ قید کی سزا سنائی تھی۔۔ فوٹو: فائل

لاہور: گلو بٹ نے اپنی سزا کی معطلی اور ضمانت پر رہائی کے لئے ہائی کورٹ میں درخواست دائر کردی ہے۔

لاہور ہائی کورٹ میں گلو بٹ کے وکلا کی جانب سے دائر درخواست میں موقف اختیار کیا گیا کہ انسداد دہشتگردی کی خصوصی عدالت نے اسے قانون اور حقائق کے برعکس سزا سنائی ہے اس لئے عدالت عالیہ سے استدعا ہے کہ اس کی سزا کو معطل کرکے ضمانت پر رہا کیا جائے۔

واضح رہے کہ گلوبٹ کو  انسداد دہشت گردی کی خصوصی عدالت نے گزشتہ ماہ منہاج القرآن سیکریٹریٹ کے باہر پولیس آپریشن کے دوران گاڑیوں کی توڑ پھوڑ کرنے کے جرم میں 11 سال اور 3 ماہ قید بامشقت اور ایک لاکھ 11 ہزار روپے جرمانے کی سزا سنائی تھی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔