بھارت کا ایک بار پھر پاکستان پر دہشت گردی کیلئے مدد فراہم کرنے کا الزام

نئی دہلی: بھارت نے ایک بار پھر ہرزہ سرائی کرتے ہوئے کہا ہے کہ بھارت میں دہشت گرد کاروائیوں کیلیے پاکستان مدد فراہم کرتا ہے۔

بھارتی خبر رساں ادارے کے مطابق ایک تقریب سے خطاب کرتے ہوئے بھارتی وزیر داخلہ راجناتھ سنگھ نے کہا کہ دائود ابراہیم پاکستان میں ہے۔ اسے ہمارے حوالے کیا جا رہا اور نہ ہی ممبئی حملوں کے ملزمان کیخلاف کارروائی کی جا رہی ہے۔ پچھلی حکومتوں کی طرح ہماری حکومت بھی پاکستان پر دائود ابراہیم کی واپسی کیلیے سفارتی دبائو ڈال رہی ہے۔ ہم پاکستان سمیت تمام ہمسایہ ممالک کے ساتھ بہتری تعلقات کے خواہاں ہیں اور قوی امید ہے کہ پاکستان کے ساتھ مذاکراتی ڈیڈلاک جلد یا بدبر ختم ہو جائے گا۔