نائیجیریا میں بوکوحرام نے مچھلیوں کے 48 بیوپاری قتل کردیے

این این آئی  پير 24 نومبر 2014
شدت پسندوں نے مچھیروں کو گولیاں ماریں اور کچھ افراد کو ذبح کرکے جھیل میں پھینک دیا۔ فوٹو: اے ایف پی /فائل

شدت پسندوں نے مچھیروں کو گولیاں ماریں اور کچھ افراد کو ذبح کرکے جھیل میں پھینک دیا۔ فوٹو: اے ایف پی /فائل

ابوجا: افریقی ملک نائیجیریا کی شورش زدہ ریاست کانو میں مبینہ طور پر انتہا پسند تنظیم بوکو حرام نے مچھلیوں کے48 بیوپاریوں کو ہلاک کر دیا۔

غیر ملکی خبر رساں ادارے کے مطابق یہ واقعہ چاڈ کی سرحد کے قریب واقع ایک گاؤں ڈورون بگاؤ میں پیش آیا، یہ گاؤں مچھلیاں پکڑنے کے اہم مرکز جھیل چاڈ پر ہے، ہلاک ہونیوالے افراد مچھلیوں کی خریداری میں مصروف تھے، مسلح کارروائی سے قبل بوکو حرام کے ورکروں نے گاؤں ڈورون بگاؤ سے کچھ فاصلے پر ایک رکاوٹ بھی کھڑی کر دی تھی تا کہ مزید افراد یا سیکیورٹی دستے گاؤں کی جانب نہ جا سکیں، مسلح افراد نے گولیاں مار کر ہلاک کرنے کے علاوہ بعض کو ذبح کر کے جھیل میں پھینک دیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔