- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
- ایرانی صدر کا دورہ کراچی، کل صبح 8 بجے تک موبائل سروس معطل رہے گی
- ایرانی صدر ابراہیم رئیسی کی کراچی آمد، مزار قائد پر حاضری
- مثبت معاشی اشاریوں کے باوجود اسٹاک مارکیٹ میں مندی کا رجحان
- اقوام متحدہ کے ادارے پر حماس کی مدد کا اسرائیلی الزام جھوٹا نکلا
- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
چوتھے ون ڈے میں نیوزی لینڈ نے پاکستان کو سنسنی خیز مقابلے کے بعد ہرا دیا
ابوظہبی: چوتھے ون ڈے میں نیوزی لینڈ نے پاکستان کو سنسنی خیز مقابلے کے بعد 7 رنز سے شکست دے کر 5 ایک روزہ میچوں کی سیریز 2-2 سے برابر کردی۔
ابوظہبی کے شیخ زید انٹرنیشنل اسٹیڈیم میں کھیلے گئے میچ میں نیوزی لینڈ نے ٹاس جیت کر پہلے بیٹنگ کرتے ہوئے مقررہ 50 اوورز میں 5 وکٹوں کے نقصان پر 299 رنز بنائے، اوپنرز مارٹن گپٹل اور ڈین براؤن لائی نے 81 رنز کی شراکت قائم کرکے ٹیم کو اچھا آغاز فراہم کیا تاہم پھر براؤن لائی 42 رنز بنا کر کپتان شاہد آفریدی کا شکار بنے، مارٹن گپٹل نے اپنی نصف سنچری مکمل کی اور 58 رنز بنانے کے بعد 125 کے مجموعے پر سہیل تنویر کی گیند پر وکٹوں کے پیچھے کیچ آؤٹ ہوئے۔
نیوزی لینڈ کی تیسری وکٹ 188 کے مجموعی اسکور پر اس وقت گری جب روس ٹیلر 26 رنز بنا کر محمد عرفان کی گیند پر کیچ آؤٹ ہوئے جبکہ کورے اینڈرسن 23 رنز بنا کر پویلین لوٹے، نیوزی لینڈ کی جانب سے کپتان کین ولیمسن نے ذمہ دارانہ بیٹنگ کا مظاہرہ کیا جس کے باعث کیوی ٹیم 299 رنز بنانے میں کامیاب رہی اور ولیمسن 105 گیندوں میں 123 رنز کی شاندار اننگز کھیل کر اننگز کی آخری گیند پر بولڈ ہوئے۔ پاکستان کی جانب سے محمد عرفان نے 2 وکٹیں حاصل کی جبکہ سہیل تنویر، انور علی اور شاہد آفریدی ایک، ایک وکٹ لینے میں کامیاب رہے۔
پاکستان نے 300 رنز کے ہدف کے تعاقب میں بیٹنگ کا آغاز کیا تو ایک بار پھر اس کی بیٹنگ لائن لڑکھڑا گئی اور پوری ٹیم مقررہ 50 اوورز میں 8 وکٹوں کے نقصان پر 292 رنز بنا سکی، اوپنر احمد شہزاد 3 رنز کے مجموعے پر بغیر کوئی رن بنائے پویلین لوٹ گئے جس کے بعد ناصر جمشید اور یونس خان نے ٹیم کو سہارا دینے کی کوشش کی لیکن ناصر جمشید زیادہ دیر وکٹ پر نہ رک سکے اور 30 رنز بنانے کے بعد آؤٹ ہوگئے، یونس خان نے شاندار بیٹنگ کا مظاہرہ کرتے ہوئے سنچری مکمل کی لیکن ان کے 103 رنز بھی ٹیم کو فتح نہ دلا سکے جبکہ کپتان شاہد آفریدی نے اپنے مخصوص انداز میں بیٹنگ کرتے ہوئے 49 رنز بنائے۔
دیگر کھلاڑیوں میں محمد حفیظ 3، حارث سہیل 13، عمر اکمل 29 اور سرفراز احمد 18 رنز بنا سکے جبکہ سہیل تنویر 11 اور انور علی 20 رنز بنا کر ناٹ آؤٹ رہے۔ نیوزی لینڈ کے ڈینئل ویٹوری نے عمدہ بولنگ کا مظاہرہ کرتے ہوئے 3 کھلاڑیوں کو آؤٹ کیا جبکہ میٹ ہنری، ایڈم ملن، مچل میک کلینگھن اور کورے اینڈرسن ایک، ایک وکٹ حاصل کرنے میں کامیاب ہوئے۔ بہترین بلے بازی پر کین ولیمسن کو میچ کا بہترین کھلاڑی قرار دیا گیا۔
اس سے قبل اسٹیڈیم میں بھی سانحہ پشاور کا غم نمایاں دکھائی دیا اور نیوزی لینڈ کے کپتان کین ولیمسن نے مصباح الحق سے سانحہ پشاور پر اظہار افسوس کیا جب کہ میچ شروع ہونے سے قبل 2 منٹ کی خاموشی اختیار کی گئی جس دوران احمد شہزاد سمیت کئی کھلاڑی آبدیدہ ہوگئے۔ دوسری جانب پاکستان کرکٹ بورڈ کے مطابق چوتھا ون ڈے سانحہ پشاور کے شہدا کے لئے کھیلا گیا جس سے حاصل ہونے والی رقم شہدا کے ورثا کو دی جائے گی اور رقم کا ایک خطیر حصہ بچوں کے اسکول کی تعمیر پر خرچ کیا جائے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔