آرمی چیف دہشت گردوں کے خلاف جاری آپریشن کا جائزہ لینے خیبرایجنسی پہنچ گئے

آرمی چیف خیبرایجنسی میں دہشت گردوں کے خلاف جاری زمینی کارروائی کا جائزہ اور جوانوں سے ملاقات کریں گے۔

ویب ڈیسک جمعـء 19 دسمبر 2014

آرمی چیف خیبرایجنسی میں دہشت گردوں کے خلاف جاری زمینی کارروائی کا جائزہ اور جوانوں سے ملاقات کریں گے۔ فوٹو: فائل

خیبرایجنسی: پاک فوج کے سربراہ جنرل راحیل شریف دہشت گردوں کے خلاف جاری آپریشن کا جائزہ لینے خیبرایجنسی پہنچ گئے۔

ایکسپریس نیوز کے مطابق آرمی چیف جنرل راحیل شریف جی ایچ کیو میں وزیراعظم کی زیرصدارت 4 گھنٹے سے زائد تک جاری رہنے والے اعلیٰ سطح کے اجلاس کے بعد خیبرایجنسی روانہ ہوئے جہاں وہ اگلے مورچوں پر تعینات جوانوں سے ملاقات کریں گے۔ سربراہ پاک فوج دہشت گردوں کی سرکوبی کے لئے خیبرایجنسی میں جاری زمینی کارروائی کا بھی جائزہ لیں گے۔

واضح رہے کہ وزیراعظم نواز شریف کی زیر صدارت جی ایچ کیو میں آج ہونے والے اعلی سطح کے اجلاس میں سول و عسکری قیادت نے دہشت گردوں کے خلاف مؤثر کارروائی کا فیصلہ کیا۔