- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
- عمران خان اور بشریٰ بی بی کی درخواستیں منظور، طبی معائنہ کروانے کا حکم
- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی پر حملہ، خودکش بمبار کی شناخت
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
- انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے، وزیر مملکت
حصص مارکیٹ میں زبردست تیزی، 480 پوائنٹس کا اضافہ
کراچی: اسٹیٹ بینک کی جانب سے ڈسکاؤنٹ ریٹ میں مزید کمی کے عندیے اور کے اے ایس بی بینک کا معاملہ 6 ماہ میں نمٹانے کی خبرنے کراچی اسٹاک ایکس چینج کی تجارتی سرگرمیوں پرانتہائی مثبت اثرات مرتب کیے جہاں پیر کو اتار چڑھاؤ کے باوجود تیزی کی بڑی لہر رونما ہوئی جس سے انڈیکس کی31100، 31200، 31300 اور31400 کی 4 حدیں بیک وقت بحال ہوگئیں، تیزی کے باعث 52 فیصد حصص کی قیمتیں بڑھ گئیں جبکہ حصص کی مالیت میں 1 کھرب 12 ارب 50 کروڑ49 لاکھ 21 ہزار 500 روپے کا اضافہ ہوا۔
ماہرین اسٹاک کا کہنا تھا کہ بین الاقوامی سطح پرحصص کی تجارت میں بہتری کے اثرات بھی مقامی مارکیٹ پر مرتب ہوئے اور سرمایہ کاروں کی جانب سے آئل اینڈ ٹیکسٹائل سیکٹر میں خریداری سرگرمیاں نمایاں رہیں، ٹریڈنگ کے دوران ایک موقع پر2.50 پوائنٹس کی معمولی مندی بھی ہوئی لیکن گورنر اسٹیٹ بینک کے مثبت بیان نے سرمایہ کاروں کے حوصلے بلند کر دیے جنہوں نے تیز رفتاری کے ساتھ مارکیٹ میں سرمایہ کاری کی اور مارکیٹ کا مورال بلندی کی جانب گامزن ہوا جس سے ایک موقع پر590 پوائنٹس کی ریکارڈ تیزی سے انڈیکس کی 31600 پوائنٹس کی حد بھی بحال ہو گئی تھی لیکن بعد ازاں فوری منافع کے حصول پر رحجان غالب ہونے سے تیزی کی شرح میں قدرے کمی ہوئی۔
کاروباری دورانیے میں مقامی کمپنیوں، بینکوں ومالیاتی اداروں اورانفرادی سرمایہ کاروں کی جانب سے مجموعی طور پر 1 کروڑ27 لاکھ 46 ہزار377 ڈالر مالیت کے سرمائے کا انخلا کیا گیا جبکہ اس دوران غیرملکیوں کی جانب سے36 لاکھ 92 ہزار 435 ڈالر، میوچل فنڈز کی جانب سے67 لاکھ 77 ہزار 310 ڈالر، این بی ایف سیز کی جانب سے 12 لاکھ 6 ہزار112 ڈالر اور دیگر آرگنائزیشنز کی جانب سے10 لاکھ 75 ہزار410 ڈالر مالیت کی تازہ سرمایہ کاری کی گئی۔
تیزی کے سبب کاروبار کے اختتام پر کے ایس ای 100 انڈیکس480.47 پوائنٹس کے اضافے سے 31491.62 ہوگیا جبکہ کے ایس ای30 انڈیکس 402.22 پوائنٹس کے اضافے سے 20439.75 اور کے ایم آئی 30 انڈیکس 787.99 پوائنٹس کے اضافے سے 50583.58 ہو گیا، کاروباری حجم گزشتہ جمعہ کی نسبت 28.43 فیصد زائد رہا اور مجموعی طور پر18 کروڑ 16 لاکھ 95 ہزار700 حصص کے سودے ہوئے جبکہ کاروباری سرگرمیوں کا دائرہ کار 353 کمپنیوں کے حصص تک محدود رہا جن میں 183 کے بھاؤ میں اضافہ، 150 کے داموں میں کمی اور20 کی قیمتوں میں استحکام رہا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔