ملتان میں تاوان کے لئے اغوا کیا گیا بچہ قتل، خاتون سمیت 2 ملزم گرفتار

ملتان: پولیس نے شاہ رکن عالم کالونی سے گزشتہ ہفتے تاوان کے لئے اغوا کئے گئے بچے کو قتل کرنے کے الزام میں ایک خاتون سمیت 2 ملزمان کو گرفتار کرلیا۔

ایکسپریس نیوز کے مطابق ملتان کی شاہ رکن عالم کالونی کی رہائشی ریحانہ بی بی کے  7 سالہ بیٹے محمد عبداللہ کو گزشتہ ہفتے نامعلوم افراد نے دن دیہاڑے گھر کے باہر سے اغوا کر لیا تھا۔ اغوا کاروں نے بچے کی والدہ سے ایک کروڑ روپے تاوان مانگا تھا تاہم گزشتہ روز بچے کی لاش خانیوال سے ملی۔ پولیس نے لاش لواحقین کے حوالے کردی ہے۔

پولیس نے شواہد کی روشنی میں حسن نامی ملزم اور اسکی منگیتر کو حراست میں لے کر تفتیش شروع کردی ہے، پولیس کا کہنا ہے کہ ملزمان نے شناخت کئے جانے کے خوف سے بچے کو قتل کیا ہے۔