سائنسدان اُبلے انڈے کو اصل شکل میں واپس لانے میں کامیاب

امریکی سائنسدان ابلے ہوئے انڈے کواُس کی  اصل شکل میں واپس لانے میں کامیاب ہوگئے۔

برطانوی رپورٹ کے مطابق امریکا کی کیلی فورنیا یونیورسٹی کے شعبہ بائیوکیمسٹری سے منسلک پروفیسر گریگری وائیس کا کہنا ہے کہ تجربے کے دوران انہوں نے ایک انڈے کو 20 منٹ تک 90 ڈگری سینٹی گریڈ درجہ حرارت پر ابالا اور بعد میں اس میں ایک خاص قسم کے پروٹین کو داخل کیا جس کے لئے ’’وورٹیکس فلیوڈ ڈیوائس ‘‘ نامی خصوصی مشین کو استعمال کیا گیا اور یہ عمل کسی بھی بیضے میں موجود پروٹین کو اس کی اصل شکل میں واپس لانے میں مدد دیتا ہے۔

پروفیسر وائیس کا کہنا تھا کہ انڈوں کو اس کی اصل شکل میں لانے کا یہ کامیاب عمل انتہائی مہنگا ہے تاہم یہ آنے والے وقت میں انسانی زندگی میں ایک نیا انقلاب لائے گا۔