- سینئر وزیر سندھ شرجیل میمن کی زیرصدارت محکمہ ٹرانسپورٹ کا اعلیٰ سطح اجلاس
- قومی ٹیم کی کوچنگ؛ جیسن گلیسپی اہم فیصلہ کرلیا
- پشاور؛ صوبائی وزیر و دیگر کے نام ای سی ایل سے نکالنے کیلیے حکومت سے جواب طلب
- سوئی ناردرن کی گیس قیمتوں میں اضافے پر وضاحت
- کراچی؛ اورنج اور گرین لائن کو جوڑنے کے لئے شٹل سروس شروع کرنے کا فیصلہ
- قادیانی شہری ضمانت کیس؛ علماء سے 2 ہفتے میں تحریری رائے طلب
- سویلین ٹرائلز؛ سپریم کورٹ کی فوجی عدالتوں کو محفوظ شدہ فیصلے سنانے کی مشروط اجازت
- ایف بی آر سے کرپشن کے خاتمے کیلیے خفیہ ایجنسی کو ٹاسک دیدیا گیا
- کاکول ٹریننگ کیمپ؛ اعظم خان 2 کلومیٹر ریس میں مشکلات کا شکار
- اسٹاک ایکسچینج؛ 100 انڈیکس ملکی تاریخ کی نئی بلند ترین سطح پر پہنچ گیا
- بجلی ایک ماہ کیلیے 5روپے فی یونٹ مہنگی کر دی گئی
- کھلاڑیوں کی ادائیگیوں کا معاملہ؛ بورڈ نے فیکا کے الزامات کو مسترد کردیا
- پی ٹی آئی (پی) کی مخصوص نشستوں کا معاملہ، الیکشن کمیشن حکام فوری ہائیکورٹ طلب
- حساس ادارے کے دفترکے گیٹ پرحملہ، پی ٹی آئی کارکنان دوبارہ زیرحراست
- اُم المومنین سیّدہ عائشہؓ کے فضائل و محاسن
- معرکۂ بدر میں نوجوانوں کا کردار
- غزوۂ بدر یوم ُالفرقان
- ملکہ ٔ کاشانۂ نبوتؐ
- آئی پی ایل2024؛ ممبئی انڈینز، سن رائزرز حیدرآباد کے میچ میں ریکارڈز کی برسات
- عورت ہی مجرم کیوں؟
پاکستان اور زمبابوے کے میچ کے دوران موسم بے ایمان ہونے کو تیار نہیں
برسبین: یوں تو زمبابوے کے خلاف میچ ایک پول میچ ہی ہے لیکن پاکستان کے لیے اسے کوارٹر فائنل سے پہلے کوارٹر فائنل قرار دیا جا رہا ہے اس لیے کہ اگر پاکستانی ٹیم یہ میچ ہار گئی تو اس کی کوارٹر فائنل میں رسائی ناممکن ہوجائے گی اور فتح کی صورت میں ایک طرف تو ورلڈ کپ کی اگلی منزل تک جانے کا سفر پھر سے شروع ہوسکتا ہے اور دوسری جانب مایوس اور شکست خوردہ کھلاڑیوں کےدلوں میں امید اور کامیابی کی ہلکی سی شمع روشن ہوسکتی ہے۔
زمبابوے کے خلاف پاکستان کا ریکارڈ انتہائی شاندار رہا ہے آیئے اس پر ایک نظر ڈالتے ہیں:
پاکستان اور زمبابوے کے درمیان اب تک 47 ایک روزہ میچز کھیلے گئے ہیں جس میں پاکستان نے 42 میں کامیابی حاصل کی اور زمبابوے کے حصے میں صرف 3 فتوحات ہی آسکی ہیں جب کہ ایک میچ بے نتیجہ اور ایک بارش کی وجہ سے نامکمل رہا۔ دونوں ٹیموں کے درمیان آخری بار سامنا زمبابوے کی سرزمین ہرارے پر ہوا جس میں پاکستان نے 108 رنز سے کامیابی حاصل کی۔
ورلڈ کپ مقابلے: عالمی مقابلوں میں دونوں ٹیمیں 1992، 1999 اور 2011 میں مد مقابل ہوئیں جس میں پاکستان نے زمبابوے کو باآسانی قابو کرلیا اور 2003 میں کھیلا گیا میچ بارش کی نذر ہوگیا جس کے بعد یہ کہا جاسکتا ہےکہ پاکستسان ورلڈکپ مقابلوں میں زمبابوے کے سامنے ناقابل شکست رہا ہے۔
ورلڈ کپ 2015 کا میچ: پاکستان کو ورلڈ کپ میں واپس آنے کے لیے برسبین گابا کے میدان میں کھیلے جانے والے میچ میں کامیابی حاصل کرنا ضروری ہے اس میچ کے لیے دونوں ٹیموں کے فائنل الیون میں شامل ہونے والے ممکنہ کھلاڑیوں کے نام کچھ یوں ہیں۔
پاکستان: احمد شہزاد، سرفرازاحمد، حارث سہیل، مصباح الحق، صہیب مقصود، عمر اکمل، شاہد آفریدی، وہاب ریاض، یاسر شاہ، سہیل خان اور محمد عرفان۔
زمبابوے: اسکندر رضا، چیموچیمبا، ہیملٹن ماسکادزا، برینڈن ٹیلر، سین ویلمیز، کریگ ایرون، اسٹیورٹ، ایلٹن چیگم بورا، ٹیناشے پیانگارا، ٹینڈئی چتارا اور کمونگوزئی۔
امپائر اور ریفری: پاکستان اور زمبابوے کے میچ میں فیلڈ امپائرنگ کے فرائض انگلینڈ کے رچرڈ کیٹل بروف اور ویسٹ انڈیز کے جوئیل ولسن انجام دیں گے جب کہ پاؤل ریفل ٹی امپائر اور جیف کرو میچ ریفری ہوں گے۔
پچ اور موسم: ماہرین کا کہنا ہے کہ گابا کی وکٹ بولرز کے لیے ساز گار ہو گی تاہم تیز بلے بازی کرنے والے بیٹسمین اس وکٹ پر رنز بنا سکتے ہیں جب کہ محکمہ موسمیات کے مطابق میچ کے دوران سورج چمکتا رہے گا اور اس دوران درجہ حرارت 29 ڈگری سینٹی گریڈ رہے گا۔ پاکستان اور زمبابوے کے درمیان یہ میچ پاکستانی وقت کے مطابق صبح 8:30 بجے شروع ہوگا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔