- اڈیالہ میں عمران خان سمیت قیدیوں سے ملاقات پر دو ہفتے کی پابندی ختم
- توانائی کے بحران سے نمٹنے میں پاکستان کی مدد کرنا ترجیح میں شامل ہے، امریکا
- ہائیکورٹ کے ججزکا خط، چیف جسٹس سے وزیراعظم کی ملاقات جاری
- وزیر اعلیٰ پنجاب کا مسیحی ملازمین کیلیے گڈ فرائیڈے اور ایسٹر بونس کا اعلان
- سونے کی عالمی ومقامی قیمتوں میں اضافہ
- بلوچستان : بی ایل اے کے دہشت گردوں کا غیر ملکی اسلحہ استعمال کرنے کا انکشاف
- سینئر وزیر سندھ شرجیل میمن کی زیرصدارت محکمہ ٹرانسپورٹ کا اعلیٰ سطح اجلاس
- قومی ٹیم کی کوچنگ؛ جیسن گلیسپی نے اہم فیصلہ کرلیا
- پشاور؛ صوبائی وزیر و دیگر کے نام ای سی ایل سے نکالنے کیلیے حکومت سے جواب طلب
- سوئی ناردرن کی گیس قیمتوں میں اضافے پر وضاحت
- کراچی؛ اورنج اور گرین لائن کو جوڑنے کے لئے شٹل سروس شروع کرنے کا فیصلہ
- قادیانی شہری ضمانت کیس؛ علماء سے 2 ہفتے میں تحریری رائے طلب
- سویلین ٹرائلز؛ سپریم کورٹ کی فوجی عدالتوں کو محفوظ شدہ فیصلے سنانے کی مشروط اجازت
- ایف بی آر سے کرپشن کے خاتمے کیلیے خفیہ ایجنسی کو ٹاسک دیدیا گیا
- کاکول ٹریننگ کیمپ؛ اعظم خان 2 کلومیٹر ریس میں مشکلات کا شکار
- اسٹاک ایکسچینج؛ 100 انڈیکس ملکی تاریخ کی نئی بلند ترین سطح پر پہنچ گیا
- بجلی ایک ماہ کیلیے 5روپے فی یونٹ مہنگی کر دی گئی
- کھلاڑیوں کی ادائیگیوں کا معاملہ؛ بورڈ نے فیکا کے الزامات کو مسترد کردیا
- پی ٹی آئی (پی) کی مخصوص نشستوں کا معاملہ، الیکشن کمیشن حکام فوری ہائیکورٹ طلب
- حساس ادارے کے دفترکے گیٹ پرحملہ، پی ٹی آئی کارکنان دوبارہ زیرحراست
قومی ٹیم نے زمبابوے کو شکست دے کر ورلڈ کپ میں پہلی فتح حاصل کرلی
برسبین: ورلڈ کپ کے گروپ میچ میں پاکستان نے زمبابوے کو 20 رنز سے شکست دے کر ایونٹ میں پہلی کامیابی حاصل کرلی جب کہ پوائنٹ اسکور بورڈ پر گرین شرٹس کو 2 پوائنٹس بھی مل گئے۔
آسٹریلیا کے برسبین کرکٹ گراؤنڈ میں کھیلے گئے میچ میں قومی ٹیم نے مقررہ 50 اوورزمیں 7 وکٹوں کے نقصان پر235 رنزبنائے جس کے جواب میں زمبابوے کی پوری ٹیم آخری اوور میں 215 رنز پر ڈھیر ہوگئی۔ ہدف کے تعاقب میں زمبابوے کا آغاز بھی اچھا نہ رہا اور 22 کے مجموعی اسکورپردونوں اوپنرز پویلین لوٹ گئے، چامو شیبابا 9، سکندررضا 8 ،مساکدزا 29، برینڈن ٹیلر 50، سین ولیمز 33، کریگ ایرون 14، سولومون مائر8 اور تاوندا موپاریوا بغیر کوئی رن بنائے آؤٹ ہوئے جب کہ کپتان چکمبورا نے مزاحمت کی کوشش کی لیکن وہ 35 رنز بناکر ہمت ہار گئے۔ حسب روایت وکٹ کیپر عمر اکمل نے میچ کے اہم موڑ پر 2 کیچ چھوڑے جس کے باوجود محمد عرفان اور وہاب ریاض نے 4،4 جب کہ راحت علی نے ایک وکٹ حاصل کی۔
گرین شرٹس کی جانب سے کپتان مصباح الحق اور وہاب ریاض نے بالترتیب سب سے زیادہ 73 اور 54 رنز اسکور کئے جب کہ 2 کھلاڑی اپنا کھاتا کھولے بغیر اور ایک بلے باز ایک رن ہی بنا سکا۔ابتدائی دو وکٹیں گرنے کے بعد کپتان مصباح الحق اورحارث سہیل محتاط انداز سے بیٹنگ کرتے رہے اور دونوں بلے بازوں نے شارٹس کھیلنے کے بجائے گیندیں روکنے کو ترجیح دی، تیسری وکٹ کی شراکت میں دونوں بلے بازوں نے 54 رنز جوڑے جس کے بعد حارث سہیل 27 رنز بنانے کے بعد سکندر رضا کی گیند پر کیچ آؤٹ ہوگئے۔
زمبابوے بولرز کے سامنے اوپننگ بلے باز اور مڈل آرڈر ریت کی دیوارثابت ہوا، چوتھی وکٹ پر کپتان مصباح الحق اورعمراکمل نے 69 رنزکی شراکت قائم کی تو عمراکمل 127 کے مجموعے پر33 رنز بنانے کے بعد پویلین لوٹ گئے جس کے بعد شاہد آفریدی اپنے روایتی انداز میں شارٹ کھیلتے ہوئے کلین بولڈ ہوگئے۔47ویں اوور میں کپتان مصباح الحق آؤٹ ہوئے تو اس وقت ٹیم کا اسکور 202 تھا جس کے بعد وہاب ریاض نے جارحانہ انداز اپناتے ہوئے سہیل خان کے ساتھ 33 رنز کی شراکت قائم کرتے ہوئے اپنی نصف سنچری مکمل کی اور مقررہ اوور کے اختتام تک اسکور 235 تک پہنچا دیا۔وہاب ریاض 54 اور سہیل خان 6 رنز پر ناٹ آؤٹ رہے۔ زمبابوے کی جانب سے ٹینڈی چتارا نے 3،سین ولیمز نے 2، سکندر رضا اور تاوندا موپاریا نے ایک ایک وکٹ حاصل کی ۔ پاکستان کی جانب سے میچ میں بہترین آل راؤنڈ پرفارمنس پیش کرنے پر وہاب ریاض کو مین آف دی میچ کے اعزاز سے نوازا گیا۔
ورلڈ کپ کے گروپ “بی” میں بھارت اپنے 3 میچز میں کامیابی کے بعد 6 پوائنٹس کے ساتھ سرفہرست ہے جبکہ جنوبی افریقا، آئرلینڈ اور ویسٹ انڈیز4 ،4 پوائنٹس کے ساتھ بالترتیب دوسرے، تیسرے اور چوتھے نمبر پر ہیں، پول میں زمبابوے نے اپنے 4 میچز میں سے ایک میں کامیابی حاصل کی اور رن ریٹ کے اعتبار سے پاکستان سے اوپر ہے جب کہ پاکستان نے اب تک 3 میچز کھیلے ہیں جس میں سے 2 میں شکست اور ایک میں کامیابی حاصل کی اور فہرست میں چھٹے نمبر پر ہے اور یو اے ای بغیر کوئی میچ جیتے سب سے آخری نمبر پر براجمان ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔