عبیرہ قتل کیس میں ملزمہ طوبیٰ اور اس کے ساتھیوں کے جسمانی ریمانڈ میں توسیع

ویب ڈیسک  بدھ 4 مارچ 2015
ملزمہ طوبیٰ گزشتہ پیشی پر اپنا طبی معائنہ کرانے سے انکار کرچکی ہے۔ فوٹو: فائل

ملزمہ طوبیٰ گزشتہ پیشی پر اپنا طبی معائنہ کرانے سے انکار کرچکی ہے۔ فوٹو: فائل

لاہور: عدالت نے عبیرہ قتل کیس میں ملزمہ طوبیٰ اور اس کے ساتھیوں کے جسمانی ریمانڈ میں 3 روز کی توسیع کردی۔

ایکسپریس نیوز کے مطابق پولیس نے ملزمہ طوبی، فاورق اور ذیشان کو جسمانی ریمانڈ پورا ہونے پر مقامی عدالت میں پیش کیا۔ تفتیشی افسر کی جانب سے عدالت کے روبرو استدعا کی گئی کہ ملزمان سے مزید تفتیش کی ضرورت ہے اس لئے عدالت ان کے جسمانی ریمانڈ میں 10 روز کی توسیع کرے جس پر عدالت نے ملزمان کے جسمانی ریمانڈ میں 3 روز کی توسیع کردی۔

واضح رہے کہ ملزمہ طوبیٰ ماڈل عبیرہ اور یوسف نامی مقامی صحافی کو قتل کرنے کا اعتراف کرچکی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔