ایبٹ آباد میں تاجر سے بھتہ طلب کرنے والے 3 ملزمان گرفتار

ایبٹ آباد: پولیس نے  ایبٹ آباد میں تاجر سے ایک کروڑ روپے بھتہ طلب کرنے والے3 ملزمان کو گرفتار کرلیا۔

ایکسپریس نیوز کے مطابق ایبٹ آباد میں تاجر سے ایک کروڑ روپے بھتہ مانگنے والے 3 ملزمان کو گرفتار کرلیا گیا ہے۔ پولیس کے مطابق ملزمان حلیے سے افغانی معلوم ہوتے ہیں جب کہ انہوں نے ایبٹ آباد کے مقامی تاجر سے بھتہ طلب کیا تھا۔

پولیس کا کہنا ہے کہ ملزمان بھتہ خوری کی متعدد وارداتوں میں ملوث ہیں جب کہ ان کے دیگر ساتھیوں کی گرفتاری کے لیے بھی چھاپے مارے جارہے ہیں۔