- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
- وزارتِ صنعت و پیداوار نے یوریا کھاد درآمد کرنے کی سفارش کردی
- ٹی20 ورلڈکپ؛ 8 بار کے اولمپک گولڈ میڈلسٹ یوسین بولٹ سفیر نامزد
- کہوٹہ؛ بس میں ڈکیتی کے دوران ڈاکو کی فائرنگ سے سرکاری اہلکار جاں بحق
- نوجوان نسل قوم کا سرمایہ
- اسلام آباد میں روٹی کی قیمت میں کمی کا نوٹیفکیشن معطل
- کیا رضوان آئرلینڈ کیخلاف سیریز میں اسکواڈ کا حصہ ہوں گے؟ بابر نے بتادیا
- ویمنز کوالیفائر؛ آئی سی سی نے ثنامیر کو ’’برانڈ ایمبیسڈر‘‘ مقرر کردیا
- پی او بی ٹرسٹ عالمی سطح پر ساڑھے 3لاکھ افراد کی بینائی ضائع ہونے سے بچا چکا ہے
- ایف بی آر نے ایک آئی ٹی کمپنی کی ٹیکس ہیرا پھیری کا سراغ لگا لیا
- سیاسی نظریات کی نشان دہی کرنے والا اے آئی الگوردم
- خاتون ڈاکٹرز سے علاج کرانے والی خواتین میں موت کا خطرہ کم ہوتا ہے، تحقیق
- برطانیہ میں ایک فلیٹ اپنے انوکھے ڈیزائن کی وجہ سے وائرل
- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
ورلڈکپ میں شاہینوں کی اونچی پرواز جاری
آکلینڈ: آئی سی سی ورلڈ کپ کے گروپ میچ میں پاکستان نے دلچسپ مقابلے کے بعد جنوبی افریقا کے خلاف ورلڈ کپ کی تاریخ میں پہلی فتح حاصل کی۔
آکلینڈ کے ایڈن پارک میں کھیلے گئے میچ میں جنوبی افریقا کے کپتان اے بی ڈیویلئرز نے ٹاس جیت کر پاکستان کو پہلے بیٹنگ کی دعوت دی تو بارش کے باعث میچ کو 47 اوورز تک محدود کردیا گیا، پاکستان کی جانب سے سرفراز احمد اور احمد شہزاد نے اننگز کا آغاز کیا لیکن آٹھویں اوور میں 30 کے مجموعے پر احمد شہزاد 18 رنز بنا کر کائل ایبٹ کی گیند پر کیچ آؤٹ ہوگئے، سرفراز احمد نے 49 گیندوں پر 3 چھکوں اور 5 چوکوں کی مدد سے 49 رنز کی عمدہ اننگز کھیلی اور 17ویں اوور میں رن آؤٹ ہوئے جب کہ یونس خان 37 رنز بنا کر اے بی ڈویلئرز کی گیند پر کیچ آؤٹ ہوئے، صہیب مقصود بھی زیادہ دیر تک کریز پر ٹکنے میں ناکام رہے اور 8 کے انفرادی اسکور پر کائل ایبٹ کا شکار بنے جب کہ عمر اکمل بھی ایک بار پھر ناکام ہوتے ہوئے 175 کے مجموعے پر 13 رنز بنا کر پویلین لوٹے۔
اس موقع پر قومی ٹیم کے مرد بحران مصباح الحق نے ایک بار پھر ذمہ دارانہ بیٹنگ کا مظاہرہ کیا اور ورلڈ کپ کی چوتھی نصف سنچری مکمل کرتے ہوئے 56 رنز کی شاندار اننگز کھیلی جس کی بدولت قومی ٹیم 222 رنز بنا سکی اور پوری ٹیم 47 ویں اوور میں آؤٹ ہوگئی تاہم جنوبی افریقا کو ڈک ورتھ لوئس میتھڈ کے تحت 47 اوورز میں 232 رنز کا ہدف ملا۔ جنوبی افریقا کی جانب سے ڈیل اسٹین نے شاندار بولنگ کا مظاہرہ کرتے ہوئے 3 کھلاڑیوں کو آؤٹ کیا، کائل ایبٹ اور مورنے مورکل نے 2،2 جب کہ عمران طاہر اور اے بی ڈیویلئرز نے ایک، ایک وکٹ حاصل کی۔
جنوبی افریقا کی ٹیم 232 رنز کے ہدف کے تعاقب میں 34ویں اوور میں 202 رنز پر ڈھیر ہوگئی اور پاکستان نے یہ میچ 29 رنز سے جیت لیا، جنوبی افریقا نے بظاہر آسان نظر آنے والے ہدف کے تعاقب میں بیٹنگ کا آغاز کیا تو پہلے اوور کی دوسری گیند پر ہی کوئٹن ڈی کوک بغیر کوئی رن بنائے وکٹوں کے پیچھے کیچ آؤٹ ہوگئے جس کے بعد فاف ڈوپلیسی کریز پر آئے اور ہاشم آملہ کے ساتھ مل کر 67 رنز کی شراکت قائم کی تاہم پھر ڈوپلیسی 27 کے انفرادی اسکور پر راحت علی کا شکار بنے جب کہ ہاشم آملہ بھی ٹیم کے مجموعی اسکور میں مزید اضافہ کئے بغیر 38 رنز بنا کر وہاب ریاض کی گیند پر وکٹوں کے پیچھے کیچ آؤٹ ہوگئے۔
پروٹیز کے 3 کھلاڑی آؤٹ ہونے کے بعد گرین شرٹس کے کھلاڑیوں میں فتح کی امید روشن ہونے لگی اور بولروں نے تباہ کن کارکردگی کا مظاہرہ کرتے ہوئے ایک کے بعد ایک پروٹیز بلے باز کو پویلین کی راہ دکھائی تاہم جنوبی افریقی کپتان اے بی ڈیویلئرز کی جارحانہ بیٹنگ نے میچ کو سنسنی خیز بنا دیا اور ان کی 77 رنز کی شاندار اننگز نے پروٹیز کی فتح کی امید جگائے رکھی لیکن ان کا یہ خواب اس وقت چکنا چور ہوگیا جب وہ 200 کے مجموعی اسکور پر سہیل خان کی گیند پر وکٹوں کے پیچھے کیچ آؤٹ ہوئے، دیگر کھلاڑیوں میں ریلے روسوو 6، جے پی ڈومینی 12، ڈیل اسٹین 16 اور کائل ایبٹ 12 رنز بنا کر آؤٹ ہوئے۔ پاکستان کی جانب سے محمد عرفان، راحت علی اور وہاب ریاض نے شاندار بولنگ کا مظاہرہ کرتے ہوئے 3،3 جب کہ سہیل خان نے ایک کھلاڑی کو آؤٹ کیا۔ بہترین کارکردگی پر سرفراز احمد کو مین آف دی میچ سے نوازا گیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔