- ڈکیتی کے ملزمان سے رشوت لینے کا معاملہ؛ ایس ایچ او، چوکی انچارج گرفتار
- کراچی؛ ڈاکو دکاندار سے ایک کروڑ روپے نقد اور موبائل فونز چھین کر فرار
- پنجاب پولیس کا امریکا میں مقیم شہباز گِل کیخلاف کارروائی کا فیصلہ
- سنہری درانتی سے گندم کی فصل کی کٹائی؛ مریم نواز پر کڑی تنقید
- نیویارک ٹائمز کی اپنے صحافیوں کو الفاظ ’نسل کشی‘،’فلسطین‘ استعمال نہ کرنے کی ہدایت
- پنجاب کے مختلف شہروں میں ضمنی انتخابات؛ دفعہ 144 کا نفاذ
- آرمی چیف سے ترکیہ کے چیف آف جنرل اسٹاف کی ملاقات، دفاعی تعاون پر تبادلہ خیال
- مینڈھے کی ٹکر سے معمر میاں بیوی ہلاک
- جسٹس اشتیاق ابراہیم چیف جسٹس پشاور ہائی کورٹ تعینات
- فلاح جناح کی اسلام آباد سے مسقط کیلئے پرواز کا آغاز 10 مئی کو ہوگا
- برف پگھلنا شروع؛ امریکی وزیر خارجہ 4 روزہ دورے پر چین جائیں گے
- کاہنہ ہسپتال کے باہر نرس پر چھری سے حملہ
- پاکستان اور نیوزی لینڈ کا پہلا ٹی ٹوئنٹی بارش کی نذر ہوگیا
- نو منتخب امیر جماعت اسلامی حافظ نعیم نے اپنے عہدے کا حلف اٹھا لیا
- تعصبات کے باوجود بالی وڈ میں باصلاحیت فنکار کو کام ملتا ہے، ودیا بالن
- اقوام متحدہ میں فلسطین کی مستقل رکنیت؛ امریکا ووٹنگ رکوانے کیلیے سرگرم
- راولپنڈی میں گردوں کی غیر قانونی پیوندکاری میں ملوث گینگ کا سرغنہ گرفتار
- درخشاں تھانے میں ملزم کی ہلاکت؛ انکوائری رپورٹ میں سابق ایس پی کلفٹن قصور وار قرار
- شبلی فراز سینیٹ میں قائد حزب اختلاف نامزد
- جامعہ کراچی ایرانی صدر کو پی ایچ ڈی کی اعزازی سند دے گی
آسٹریلیا نے بھارتی سورماؤں کو شکست دے کر ورلڈ کپ سے باہر کردیا
سڈنی: آئی سی سی ورلڈ کپ کے دوسرے سیمی فائنل میں آسٹریلیا یک طرفہ مقابلے کے بعد بھارت کو 95 رنز سے شکست دے کر فائنل میں پہنچ گیا۔
آسٹریلیا کے سڈنی کرکٹ گراؤنڈ میں کھیلے گئے میچ میں 329 رنز کے ہدف کے تعاقب میں پوری بھارتی ٹیم 233 رنز پر ڈھیر ہو گئی۔ بھارتی اوپنرز نے 76 رنز کا اچھا آغاز فراہم کیا اور شیکر دھون 45 رنز بنا کر آؤٹ ہوئے لیکن صرف 2 رنز کے اضافے پر ویرات کوہلی بھی ایک رن بنا کر وکٹوں کے پیچھے کیچ آؤٹ ہوئے۔ 91 کے مجموعی اسکور پر روہت شرما بھی 34 رنز بنا کر پویلین لوٹ گئے جب کہ سریش رائنا بھی 7 رنز کے مہمان ثابت ہوئے۔ پانچویں وکٹ کے لئے اجنکیا رہانے اور مہندرا سنگھ دھونی کے درمیان 70 رنز کی شراکت ہوئی اور رہانے 44 رنز بنا کر مچل اسٹارک کا شکار بنے۔ دھونی کے علاوہ کوئی بھی کھلاڑی آسٹریلوی بولرز کا جم کر مقابلہ نہ کرسکا اور وہ 65 گیندوں پر 65 رنز بنا کر رن آؤٹ ہو گئے۔ آسٹریلیا کی جانب سے جیمز فالکنر نے 3 جب کہ مچل اسٹارک اور مچل جانسن نے 2،2 وکٹیں حاصل کی، ایک وکٹ جوش ہیزل ووڈ کے حصے میں آئی۔
قبل ازیں آسٹریلیا نے بھارت کے خلاف پہلے کھیلتے ہوئے مقررہ 50 اوورز میں 7 وکٹوں کے نقصان پر 328 رنز بنائے۔ آسٹریلیا نے اننگز کا آغاز کیا تو ان کی پہلی وکٹ 15 کے مجموعی اسکور پر گری جب ڈیوڈ وارنر 12 رنز بنا کر آؤٹ ہو گئے تاہم دوسری وکٹ کے لئے ایرون فنچ اور اسٹیون اسمتھ کے درمیان 182 رنز کی شراکت ہوئی اور اسمتھ سنچری اسکور کر کے 105 رنز پر آؤٹ ہوئے، تیسرے آؤٹ ہونے والے کھلاڑی گلین میکس ویل تھے جو 14 گیندوں پر 23 رنز بنا کر ایشون کا شکار بنے۔ ایک رن کے اضافے کے بعد 233 کے مجموعی اسکور پر ایرون فنچ بھی 81 رنز اسکور کرنے کے بعد پویلین لوٹ گئے۔
آسٹریلوی قائد مائیکل کلارک 10 رنز سے آگے نہ بڑھے سکے جب کہ جیمز فالکنر نے 12 گیندوں پر 21 رنز کی اننگز کھیلی۔ شین واٹسن نے 28 رنز کی اننگز کھیلی۔ اننگز کے آخری اوورز میں مچل جانسن نے 9 گیندوں پر 27 رنز کی برق رفتار اننگز کھیل کر ٹیم کا اسکور 328 رنز تک پہنچا دیا۔ بھارت کی جانب سے امیش یادیو نے 9 اوورز میں 72 رنز دے کر 4 کھلاڑیوں کو آؤٹ کیا جب کہ موہت شرما نے 2 اور ایشون نے ایک وکٹ حاصل کی۔ آسٹریلیا کے اسٹیون اسمتھ کو شاندار سنچری اسکور کرنے پر میچ کا بہترین کھلاڑی قرار دیا گیا۔ میگا ایونٹ کا فائنل 29 مارچ کو آسٹریلیا اور نیوزی لینڈ کے درمیان ہوگا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔