کراچی اسٹاک ایکسچینج میں شدید مندی، ہنڈریڈ انڈیکس میں 900 سے زائد پوائنٹس کی کمی

ویب ڈیسک  جمعرات 26 مارچ 2015
گزشتہ 2 ہفتوں کے دوران ہنڈریڈ انڈیکس میں 18سو سے زائد پوائنٹس کی کمی ہوچکی ہے  فوٹو: فائل

گزشتہ 2 ہفتوں کے دوران ہنڈریڈ انڈیکس میں 18سو سے زائد پوائنٹس کی کمی ہوچکی ہے فوٹو: فائل

 کراچی: اسٹاک ایکسچینج میں شدید مندی کا رجحان برقرار ہے اور آج بھی ہنڈریڈ انڈیکس میں 900 سے زائد پوائنٹس کی کمی دیکھی گئی ہے۔

جمعرات کے روز کاروبار کے آغاز پر کراچی اسٹاک ایکسچینج کا ہنڈریڈ انڈیکس 31 ہزار 86 پوائنٹس پر موجود تھا۔ جمعرات کے روز مارکیٹ کا آغاز مثبت ہوا اور ایک وقت میں انڈیکس 31 ہزار 359 پوائنٹس پر بھی دیکھا گیا۔ اس کے بعد مارکیٹ میں ایک مرتبہ پھر مندی چھا گئی اور ہنڈریڈ انڈیکس 900 سے زائد پوائنٹس کی کمی کے بعد 30 ہزار 172 پوائنٹس پر آگیا۔ مارکیٹ میں اس وقت بھی اتار چڑھاؤ جاری ہے اور انڈیکس اس وقت 30 ہزار 400 کی سطح پر موجود ہے۔

واضح رہے کہ گزشتہ 2 ہفتوں کے دوران کے ایس ای ہنڈریڈ انڈیکس میں 18سو سے زائد پوائنٹس کی کمی ہوچکی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔