بلدیاتی انتخابات میں طاہرالقادری کی قیادت میں گرینڈ الائنس بنانے کی تیاریاں

لاہور: پاکستان عوامی تحر یک کے سربراہ ڈاکٹرطاہر القادری کی قیادت میں اتحادی جماعتوں کا بلدیاتی انتخابات کیلیے گرینڈ الائنس بنانے کی تیاریاں شروع کردی گئیں۔

عوامی تحریک کے ذرائع کے مطابق ڈاکٹرطاہرالقادری کے بلدیاتی انتخابات کے لیے گرینڈ الائنس بنانے کے لیے ق لیگ، مجلس وحد ت مسلمین،سنی اتحاد کونسل سمیت اپوزیشن کی دیگرجماعتوں کے ساتھ رابطے شروع کر دیے گئے ہیں اوروہ وطن واپسی کے بعد اتحادی جماعتوں کی قیادت سے ملاقاتیں بھی کرینگے جس میں تمام معاملات کو حتمی شکل دی جائے گی اورامکان ہے کہ طاہرالقاردی جون میں پاکستان واپس آئینگے۔