- کپتان کی تبدیلی کیلئے چیئرمین پی سی بی کی زیر صدارت اہم اجلاس
- پاکستان کو کم از کم 3سال کا نیا پروگرام درکار ہے، وزیر خزانہ
- پاک آئرلینڈ ٹی20 سیریز؛ شیڈول کا اعلان ہوگیا
- برج خلیفہ کے رہائشیوں کیلیے سحر و افطار کے 3 مختلف اوقات
- روس کا جنگی طیارہ سمندر میں گر کر تباہ
- ہفتے میں دو بار ورزش بے خوابی کے خطرات کم کرسکتی ہے، تحقیق
- آسٹریلیا کے انوکھے دوستوں کی جوڑی ٹوٹ گئی
- ملکی وے کہکشاں کے درمیان موجود بلیک ہول کی نئی تصویر جاری
- کپتان کی تبدیلی کے آثار مزید نمایاں ہونے لگے
- قیادت میں ممکنہ تبدیلی؛ بورڈ نے شاہین کو تاحال اعتماد میں نہیں لیا
- ایچ بی ایف سی کا چیلنجنگ معاشی ماحول میں ریکارڈ مالیاتی نتائج کا حصول
- اسپیشل عید ٹرینوں کے کرایوں میں کمی پر غور کر رہے ہیں، سی ای او ریلوے
- سول ایوی ایشن اتھارٹی سے 13ارب ٹیکس واجبات کی ریکوری
- سندھ میں 15 جیلوں کی مرمت کیلیے ایک ارب 30 کروڑ روپے کی منظوری
- پی آئی اے نجکاری، جلد عالمی مارکیٹ میں اشتہار شائع ہونگے
- صنعتوں، سروسز سیکٹر کی ناقص کارکردگی، معاشی ترقی کی شرح گر کر ایک فیصد ہو گئی
- جواہرات کے شعبے کو ترقی دیکر زرمبادلہ کما سکتے ہیں، صدر
- پاکستان کی سیکنڈری ایمرجنگ مارکیٹ حیثیت 6ماہ کے لیے برقرار
- اعمال حسنہ رمضان الکریم
- قُرب الہی کا حصول
کنٹونمنٹ بورڈز بلدیاتی انتخابات کیلیے کاغذات نامزدگی کی وصولی شروع
کراچی / لاہور / پشاور / کوئٹہ: ملک بھر میں 25 اپریل کو ہونے والے کنٹونمنٹ بورڈز کے بلدیاتی انتخابات کیلیے کاغذات نامزدگی کی وصولی کا سلسلہ اتوار سے شروع ہوگیا جو منگل31 مارچ تک جاری رہے گا۔
الیکشن کمیشن کے مطابق کاغذات نامزدگی29 سے 31 مارچ تک جمع کرائے جاسکتے ہیں۔2 سے 4 اپریل تک جمع کرائے گئے۔ کاغذات کی جانچ پڑتال اور6 اپریل تک کاغذات مسترد ہونے پراعتراضات دائر کیے جا سکتے ہیں۔9 اپریل کو اپیلوں پر فیصلے دیے جائیں گے جبکہ 10 اپریل کو امیدوارکاغذات نامزدگی واپس لے سکتے ہیں۔ 11 اپریل کو امیدواروں کو انتخابی نشان الاٹ کیے جائیں گے۔ملک کے کئی شہروں میں قائم 42کینٹ بورڈزمیں199وارڈزتشکیل دیے گئے ہیں اور ہروارڈکی ایک جنرل نشست پرانتخاب کرایا جائے گا۔ صوبہ خیبرپختونخوا کے 10کنٹونمنٹ ایریاز میں 30 وارڈز بنائے گئے ہیں۔ صوبہ پنجاب میں 21 کنٹونمنٹ بورڈ کیلیے116 وارڈ،صوبہ سندھ کے 8 کنٹونمنٹ بورڈمیں 44 وارڈ اورصوبہ بلوچستان میں قائم3 کنٹونمنٹ بورڈمیں 9 وارڈبنائے گئے ہیں۔
کنٹونمنٹ بورڈز میں جنرل نشستوں پر انتخابات 25 اپریل کوکرائے جائیں گے۔الیکشن کمیشن نے کنٹونمنٹ بورڈزمیں بلدیاتی انتخابات کے لیے ضابطہ اخلاق جاری کردیا وزیراعظم، سینیٹ کے چیئرمین وڈپٹی چیئرمین،اسمبلی کے اسپیکروڈپٹی اسپیکر، وفاقی وزرا اور دیگر حکومتی عہدیداران کسی بھی امیدوارکی انتخابی مہم میں حصہ نہیں لیں گے اورنہ ہی انتخابات کے دوران کسی وارڈ یا کنٹونمنٹ بورڈ کا دورہ کریں گے۔ پولنگ اسٹیشن کی حدودکے200 میٹر کے اندر ووٹ دینے کے لیے کسی کو قائل کرنایا ووٹ دینے سے روکنا،مخصوص جگہ کے علاوہ کسی جگہ پرکسی قسم کا نوٹس، نشان، بینراورجھنڈا آویزاں کرنے کی اجازت نہیں ہوگی۔
وفاقی اورصوبائی حکومتوں پراخبارات اوردیگر ذرائع ابلاغ پرسرکاری خزانے سے اشتہارات دینے کے اجرا پر پابندی ہوگی۔ کینٹ بورڈ میں کاغذات جمع کروانے کے دنوں میں سیکیورٹی کے سخت انتظامات کیے گئے ہیں۔ کراچی کے چھ کنٹونمنٹ بورڈز میں ہونے والے بلدیاتی انتخابات میں حصہ لینے کیلیے13امیدواروں نے کاغذات نامزدگیاں جمع کرادی ہیں، کنٹونمنٹ بورڈ کراچی میں ایک ، کلفٹن میں پانچ ، فیصل میں چار، ملیر میں تین ، کورنگی اور منوڑہ میں کوئی کاغذات نامزدگی جمع نہیں ہوا فیصل کنٹونمنٹ بورڈمیں رجسٹرڈ ووٹرز کی تعداد ایک لاکھ 54ہزار 53ہے، منوڑا میں 2 ہزار 516 ووٹرز ہیں اور دوکونسلرز نشستیں ہیں، کلفٹن کنٹونمنٹ بورڈ میں ایک لاکھ 42 ہزار 844 ووٹرز جبکہ10کونسلرز نشستوں پر انتخابات منعقد ہوں گے، کراچی کنٹونمنٹ بورڈ میں35ہزار 679ووٹرز ہیں اور پانچ نشستیں ہیں، ملیرکنٹونمنٹ بورڈ میں 29 ہزار 661 ووٹرز تین کونسلرز نشستوں پر اپنے حق رائے دہی کا اندراج کریں گے، کورنگی کنٹونمنٹ بورڈ میں رجسٹرڈ ووٹرز کی تعداد 17 ہزار 949 ہے جو دو نشستوں پر ووٹ اندراج کریں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔