پاکستان اور سعودی عرب کی مشترکہ فوجی مشقیں معمول کا حصہ ہیں، ترجمان پاک فوج

راولپنڈی: ترجمان پاک فوج میجر جنرل عاصم باجوہ کا کہنا ہے کہ پاکستان اور سعودی عرب کی مشترکہ فوجی مشقیں معمول کے مطابق سعودی شہر طائف میں جاری ہیں جو کہ معمول کا حصہ ہیں۔

سماجی رابطے کی ویب سائٹ ٹوئٹر پر ترجمان پاک فوج کا کہنا تھا کہ پاکستان اور سعودی عرب کے درمیان طائف میں 19 مارچ سے “صمصام 5″ مشقیں جاری ہیں جو کہ معمول کا حصہ ہیں جب کہ گزشتہ سال یہ مشترکہ مشقیں پاکستان کے شہر جہلم میں ہوئی تھیں۔ میجر جنرل عاصم باجوہ نے کہا کہ مشترکہ فوجی مشقوں میں پاک فوج کے 292 افسران اور جوان شرکت کررہے ہیں جب کہ یہ مشقیں ہر سال ہوتی ہیں۔

واضح رہے کہ امریکی میڈیا سی این این نے دو روز قبل خبر نشر کی تھی کہ یمن میں فضائی بمباری میں پاک فضائیہ کے طیارے بھی حصہ لے رہے ہیں۔

#KSA:A pre scheduled Pak-Saudi joint Ex Samsam-5 being held since 19 Mar in Taif,KSA.Not an ops deployment.292 Pak troops participating-1/2

— AsimBajwaISPR (@AsimBajwaISPR) March 30, 2015

#KSA:Joint Ex Samsam is held every year.Last year it was held near Jhelum in Pakistan-2/2

— AsimBajwaISPR (@AsimBajwaISPR) March 30, 2015