- ملیر میں ڈکیتی مزاحمت پر خاتون قتل، شہریوں کے تشدد سے ڈاکو بھی ہلاک
- افغانستان میں طوفانی بارش سے ہلاکتوں کی تعداد 70 ہوگئی
- فوج نے جنرل (ر) فیض حمید کیخلاف الزامات پر انکوائری کمیٹی بنادی
- ٹی 20 ورلڈ کپ: ویرات کوہلی کو بھارتی اسکواڈ میں شامل کرنے کا فیصلہ
- کراچی میں ڈاکو راج؛ جماعت اسلامی کا ایس ایس پی آفسز پر احتجاج کا اعلان
- کراچی؛ سابق ایس ایچ او اور ہیڈ محرر 3 روزہ ریمانڈ پر پولیس کے حوالے
- شمالی وزیرستان میں پاک-افغان سرحد پر دراندازی کی کوشش کرنے والے7دہشت گرد ہلاک
- کیا یواے ای میں ریکارڈ توڑ بارش ’’کلاؤڈ سیڈنگ‘‘ کی وجہ سے ہوئی؟ حکام کی وضاحت
- اسلام آباد میں غیرملکی شہری کو گاڑی میں لوٹ لیا گیا
- بیلف اعظم سواتی کو ایف آئی اے سائبر کرائم سے برآمد کراکے پیش کرے، عدالت
- بلوچستان کے مختلف اضلاع میں طوفانی بارش کا سلسلہ جاری، ندی نالوں میں طغیانی
- قومی ٹیم میں تمام کھلاڑی پرفارمنس کی بنیاد پر آتے ہیں، بابراعظم
- فوج کی کسی شخصیت کا نام لینا اور ادارے کا نام لینا علیحدہ باتیں ہیں، بیرسٹر گوہر
- قائد اعظم یونیورسٹی شعبہ جاتی کارکردگی میں عالمی سطح پر بہترین جامعات میں شامل
- سابق ٹیسٹ کپتان سعید انور جعلی سوشل میڈیا اکاؤنٹ سے پریشان
- کنگنا رناوت کی بکواس کا جواب دینا ضروری نہیں سمجھتی؛ پریانکا گاندھی
- سائفر کیس میں وزارتِ خارجہ کے بجائے داخلہ مدعی کیوں بنی، چیف جسٹس اسلام آباد ہائیکورٹ
- اسٹاک مارکیٹ میں مندی کا رجحان، انڈیکس 70 ہزار 333 پوائنٹس پر بند
- 19 ویں صدی کے قلعہ سے 100 برس پُرانی برطانوی ٹرین کار دریافت
- وزن کم کرنیوالی ادویات اور خودکشی کے خیالات میں تعلق کے متعلق اہم انکشاف
کراچی کے حلقہ این اے 246 میں انتخابی مہم کا وقت ختم، پولنگ 23 اپریل کو ہوگی
کراچی: قومی اسمبلی کے حلقہ این اے 246 میں انتخابی مہم کا وقت ختم ہوگیا جب کہ 3 دن کے لئے شہر بھر میں موٹرسائیکل کی ڈبل سواری پر بھی پابندی لگا دی گئی ہے۔
ایکسپریس نیوز کے مطابق قومی اسمبلی کے حلقے این اے 246 میں 23 اپریل کو ہونے والے ضمنی انتخاب کے لئے انتخابی مہم کا وقت ختم ہوگیا ہے جس کے بعد جلسے، کارنرمیٹنگز اور ریلیوں پر پابندی ہوگی اور کسی بھی امیدوار کو الیکشن مہم چلانے کی اجازت نہیں ہوگی۔ الیکشن کمیشن کی جانب سے تمام پولنگ اسٹیشنز میں بیلٹ باکس پہنچادیئے گئے ہیں جب کہ پولنگ اسٹیشنز کے اندر خفیہ کیمرے بھی نصب کردیئے گئے ہیں۔
حلقے میں دھاندلی کی روک تھام کے لئے تمام پولنگ اسٹیشنز کے اندر اور باہر رینجرز اہلکار تعینات ہوں گے جب کہ ضمنی انتخاب کے دوران پولنگ اسٹیشن میں موبائل فون استعمال کرنے پر پابندی ہوگی، پولنگ اسٹیشن میں پریزائیڈنگ آفیسر کے علاوہ عملے کے کسی بھی شخص کے لیے موبائل فون کا استعمال ممنوع ہوگا اور ووٹرز زائد المعیاد شناختی کارڈ پر بھی ووٹ ڈال سکیں گے۔ الیکشن کمیشن کے اعلامیے کے مطابق پولنگ کے روز حلقے میں وفاقی و صوبائی ملازمین کے لیے عام تعطیل ہوگی اور حلقہ لوڈشیڈنگ سے مستثنیٰ ہوگا۔
این اے 246 کے ضمنی انتخاب کی دلچسپ بات یہ ہے کہ ایم کیو ایم، تحریک انصاف اور جماعت اسلامی کے امیدواروں کا ووٹ حلقے میں رجسٹرڈ ہی نہیں، متحدہ قومی موومنٹ کے امیدوار کنور نوید جمیل کا ووٹ حیدرآباد جب کہ تحریک انصاف کے امیدوار عمران اسماعیل کا ووٹ ڈیفنس اور جماعت اسلامی کے راشد نسیم کا ووٹ نارتھ ناظم آباد میں رجسٹرڈ ہے۔
واضح رہے کہ متحدہ قومی موومنٹ کے ٹکٹ پر منتخب ہونے والے رکن قومی اسمبلی نبیل گبول کے استعفیٰ کے بعد یہ نشست خالی ہوئی تھی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔