کراچی پولیس کی مختلف علاقوں میں کارروائی کے دوران 42 ملزمان گرفتار

گرفتار ملزمان چوری اور ٹارگٹ کلنگ سمیت مختلف جرائم میں ملوث ہیں، پولیس ترجمان

ویب ڈیسک بدھ 22 اپريل 2015

گرفتار ملزمان سے دستی بم، اسلحہ، منشیات اور چوری شدہ موٹر سائیکلیں برآمد کی گئیں ہیں، پولیس ترجمان فوٹو: فائل

کراچی: پولیس نے ضلع غربی کے مختلف علاقوں میں کارروائی کے دوران 42 ملزمان کو گرفتار کرکے ان کے قبضے سے اسلحہ اور منشیات برآمد کرلی۔

پولیس ترجمان کے مطابق چھاپہ مار کارروائیاں ویسٹ زون کے مختلف علاقوں میں کی گئیں جہاں سے چوری اور ٹارگٹ کلنگ سمیت مختلف جرائم میں ملوث 42 ملزمان کو گرفتار کیا گیا۔ ترجمان کا کہنا تھا کہ گرفتار ملزمان سے دستی بم، اسلحہ، منشیات اور چوری شدہ موٹر سائیکلیں برآمد کی گئیں جس کے بعد انہیں تفیش کے لئے نامعلوم مقام پر منتقل کردیا گیا ہے